italiyede «liwangha yardem» namliq yighin chaqirildi
italiyening paytexti rimda liwan milliy armiyesi we dölet xewpsizlik küchlirige yardem bérish meqsitide «liwangha yardem» namliq xelqara yardem guruppisining ministirlar yighini chaqirildi.
931171
türkiye awazi radiyosi xewiri: 40 tin köp döletning wekilliri qatnashqan yighingha, türkiyege wekaliten dölet mudapie ministiri nurettin janiqli ishtirak qildi.
yighindin kéyin italiye tashqi ishlar ministiri angélino alfano, liwan bash ministiri sed heriri we birleshken döletler teshkilatining liwan ishliri alahide wekili dehlér kardél qoshma axbarat élan qilish yighini ötküzdi.
liwan bash ministiri heriri 400 milyon yawro yardem béridighanliqini jakarlighan firansiyege we dölitige yardem bériwatqan bashqa döletlerge ayrim – ayrim rehmet éytti.
yighindin kéyin élan qilinghan bayannamide, liwan milliy armiyesining térrorluq teshkilati daésh we bashqa térrorluq teshkilatlirini meghlub qilishta muhim rol oynawatqanliqi tekitlendi.
