yawropa parlaménti: héchkimning mesum insanlarni qetl qilish hoquqi yoq

yawropa parlaméntining bashliqi antonio tajani héchkimning mesum insanlarni qetl qilish hoquqi yoluqini éytti.

yawropa parlaménti: héchkimning mesum insanlarni qetl qilish hoquqi yoq

türkiye awazi radiyosi xewiri: tajani firansiyening strasbug shehiride chaqirilghan yawropa parlaménti omumiy kéngishi yighinida qilghan sözide, süriyede beshshar esed hakimiyiti we qollighuchilirining qamili astidiki sherqiy ghutede zorawanliq weqelirige xatime bérilishi toghruluq chaqiriqta boldi hemde héchkimning mesum insanlarni qetl qilish hoquqi yoqluqini tekitlidi.

sherqiy ghute qamilining mingdin artuq kishining jénigha zamin  bolushtin sirt yene, minglarche kishining yarilinishini keltürüp chiqarghanliqini qeyt qilghan tajani, zorawanliq weqelirining barghanséri ewj élip kétiwatqanliqini, shu wejidin, birleshken döletler teshkilati xewpsizlik kéngishi qararining derhal ijra qilinishining zörürlükini tekitlep mundaq dédi: «süriyede insanliq weyran boluwatidu, kélinglar, bizmu insanliqimizni yoqitip qoymayli, zorawanliq weqelirige xatime bérish üchün derhal heriketke öteyli. mesum insanlarning qetl qilinishini héchqandaq bir seweb qanunluqqa chiqiralmaydu.»

süriye kirizisige «jenwe musapisi» dairiside siyasiy chare tépishning zörürlükini tekitligen tajani, süriyediki yaridarlarni bashqa jaylargha orunlashturush üchünmu uzaq mezgillik tinchliq ornitishning muhimliqi toghruluq agahlandurushta boldi.



مۇناسىۋەتلىك خەۋەرلەر