йавропа парламенти: һечкимниң мәсум инсанларни қәтл қилиш һоқуқи йоқ

йавропа парламентиниң башлиқи антонио таҗани һечкимниң мәсум инсанларни қәтл қилиш һоқуқи йолуқини ейтти.

йавропа парламенти: һечкимниң мәсум инсанларни қәтл қилиш һоқуқи йоқ

түркийә авази радийоси хәвири: таҗани фирансийәниң страсбуг шәһиридә чақирилған йавропа парламенти омумий кеңиши йиғинида қилған сөзидә, сүрийәдә бәшшар әсәд һакимийити вә қоллиғучилириниң қамили астидики шәрқий ғутәдә зораванлиқ вәқәлиригә хатимә берилиши тоғрулуқ чақириқта болди һәмдә һечкимниң мәсум инсанларни қәтл қилиш һоқуқи йоқлуқини тәкитлиди.

шәрқий ғутә қамилиниң миңдин артуқ кишиниң җениға замин  болуштин сирт йәнә, миңларчә кишиниң йарилинишини кәлтүрүп чиқарғанлиқини қәйт қилған таҗани, зораванлиқ вәқәлириниң барғансери әвҗ елип кетиватқанлиқини, шу вәҗидин, бирләшкән дөләтләр тәшкилати хәвпсизлик кеңиши қарариниң дәрһал иҗра қилинишиниң зөрүрлүкини тәкитләп мундақ деди: «сүрийәдә инсанлиқ вәйран болуватиду, келиңлар, бизму инсанлиқимизни йоқитип қоймайли, зораванлиқ вәқәлиригә хатимә бериш үчүн дәрһал һәрикәткә өтәйли. мәсум инсанларниң қәтл қилинишини һечқандақ бир сәвәб қанунлуққа чиқиралмайду.»

сүрийә киризисигә «җәнвә мусаписи» даирисидә сийасий чарә тепишниң зөрүрлүкини тәкитлигән таҗани, сүрийәдики йаридарларни башқа җайларға орунлаштуруш үчүнму узақ мәзгиллик тинчлиқ орнитишниң муһимлиқи тоғрулуқ агаһландурушта болди.



مۇناسىۋەتلىك خەۋەرلەر