йирақтин контрол қилинидиған учқучисиз һава аппарати арқилиқ зәһәр әткәсчилики

ирандин ирақниң шәрқий вә җәнубий вилайәтлиригә «йирақтин контрол қилинидиған учқучисиз һава аппаратлири» ниң васитиси арқилиқ зәһәр әткәсчилики қилмишлири садир қилинмақта.

йирақтин контрол қилинидиған учқучисиз һава аппарати арқилиқ зәһәр әткәсчилики

түркийә авази радийоси хәвири: ирақниң шималиға җайлашқан дийала вилайити мәҗлис башлиқи әли дайини йәрлик таратқуларниң зийаритини қобул қилғанда бәргән байанатида, иран – ирақ чегра районида «йирақтин контрол қилинидиған учқучисиз һава аппаратлири» ниң вастиси арқилиқ зәһәр әткәсчилики қилмишлириниң садир қилиниватқанлиқи тоғрулуқ дәлил – испатларниң барлиқини ейтти.

чегра районида ишлитилидиған «йирақтин контрол қилинидиған учқучисиз һава аппаратлири» ниң оттуричә 250 гирам зәһәр тошуйалайдиғанлиини, бу усулниң зәһәр әткәсчилириниң йеңи тактикилиридин бири икәнликини қәйт қилған дайини, йеқиндин буйан ирандин ираққа зәһәрлик чекимлик йөткәш қилмишлириниң көпийип кәткәнлики тоғрулуқ агаһландуруш бериш билән бир вақитта, дөләт хәвпсизлик күчлиридин чегра линийәлирида бихәтәрлик тәдбирлирини қаттиқ күчәйтишини тәләп қилди.

игилинишичә, ирақ – иран чегра райониға җайлашқан дийала вилайити иранниң ғәрбидики илам вә кирманшаһ вилайәтлири билән қошна икән.



مۇناسىۋەتلىك خەۋەرلەر