tillérson wezipisidin élip tashlandi

amérika pirézidénti donald tramp tashqi ishlar ministiri réks tillérsonni wezipisidin élip tashlidi.

tillérson wezipisidin élip tashlandi

türkiye awazi radiyosi xewiri: amérika tashqi ishlar ministiri réks tillérsonning ornigha, merkiziy axbarat idarisi (CIA) ning bashliqi pompiyo wezipige teyinlendi. pompiyoning ornigha bolsa, jina xaspél qoyuldi. jina xaspél merkiziy axbarat idarisining bashliqi bolghan tunji ayal kishi bolup qaldi.

pirézidént donald tramp tillérsonning wezipisidin élinghanliqini twittér arqiliq uqturdi. u tillérsonni wezipisidin qaldurush qararidin kéyin bayanat élan qilip, mundaq dédi:

«tillérsonni wezipisidin qaldurush qararini öz aldimgha chiqardim. tillérson bilen, iran qatarliq nurghun mesililerde pikirlirimiz bir yerdin chiqmidi, tillérson bilen chüshenchilirimiz oxshash emes idi. pompiyogha toluq ishinimen, desleptin tartipla pompiyo bilen yaxshi chiqishtuq, merkiziy axbarat idarisining tunji ayal bashliqining muweppeqiyetlik bolidighanliqigha ishinimen.»

pirézidént donald tramp bilen tashqi ishlar ministiri réks tillérson arisida amérika tashqi siyasitidiki barliq muhim mesililerde dégüdek otturigha chiqqan pikir oxshimasliqining, «yaxshilash nahayiti tes» bolghan halgha özgirishke bashlighanliqi qeyt qilniwatatti.



مۇناسىۋەتلىك خەۋەرلەر