tillérson: trampning kim jong unning uchrishishidin ilgiri tashlinishi zörür qedemler bar

amérika qoshma ishtatliri tashqi ishlar ministiri réks tillérson, shimaliy koréye bilen ötküzülidighan uchrishishtin ilgiri tashlinishi kérek bolghan bezi qedemlerning barliqini éytti.

tillérson: trampning kim jong unning uchrishishidin ilgiri tashlinishi zörür qedemler bar

türkiye awazi radiyosi xewiri: amérika tashqi ishlar ministiri réks tillérson, afriqa ziyariti dairiside yétip barghan nigériyede ötküzgen muxbirlarni kütüwélish yighinida shimaliy koréye mesilisi toghrisidimu toxtilip, «uchrishish ötküzülidighan yer we uchrishishning mezmunigha dair tashlinidighan bezi  qedemler toghrisida kélishishimiz kérek» dédi.

amérika pirézidénti donald tramp shimaliy koréye rehbiri kim jong unning teklipini qobul qilghandin kéyin shimaliy koréyening héchqandaq ipade bildürmigenlikini qeyt qilghan réks tillérson, «shimaliy koréyedin biwasite jawab tapshurup almiduq, ularning biwasite alaqe ornitishini kütmektimiz» dédi.

jenubiy koréye dölet xewpsizlik ishliri meslihetchisi chung éui yong, amérikiliq emeldarlar bilen körüshkendin kéyin aqsarayda bayanat bérip, amérika pirézidénti donald trampning shimaliy koréye rehbiri kim jong unning teklipini qobul qilghanliqini, ikki rehberning kéchikkendimu may éyining axirlirida uchrishiidighanliqini jakarlighanidi.



مۇناسىۋەتلىك خەۋەرلەر