тиллерсон: трампниң ким җоң унниң учришишидин илгири ташлиниши зөрүр қәдәмләр бар

америка қошма иштатлири ташқи ишлар министири рекс тиллерсон, шималий корейә билән өткүзүлидиған учришиштин илгири ташлиниши керәк болған бәзи қәдәмләрниң барлиқини ейтти.

тиллерсон: трампниң ким җоң унниң учришишидин илгири ташлиниши зөрүр қәдәмләр бар

түркийә авази радийоси хәвири: америка ташқи ишлар министири рекс тиллерсон, африқа зийарити даирисидә йетип барған нигерийәдә өткүзгән мухбирларни күтүвелиш йиғинида шималий корейә мәсилиси тоғрисидиму тохтилип, «учришиш өткүзүлидиған йәр вә учришишниң мәзмуниға даир ташлинидиған бәзи  қәдәмләр тоғрисида келишишимиз керәк» деди.

америка пирезиденти доналд трамп шималий корейә рәһбири ким җоң унниң тәклипини қобул қилғандин кейин шималий корейәниң һечқандақ ипадә билдүрмигәнликини қәйт қилған рекс тиллерсон, «шималий корейәдин биваситә җаваб тапшуруп алмидуқ, уларниң биваситә алақә орнитишини күтмәктимиз» деди.

җәнубий корейә дөләт хәвпсизлик ишлири мәслиһәтчиси чуң еуи йоң, америкилиқ әмәлдарлар билән көрүшкәндин кейин ақсарайда байанат берип, америка пирезиденти доналд трампниң шималий корейә рәһбири ким җоң унниң тәклипини қобул қилғанлиқини, икки рәһбәрниң кечиккәндиму май ейиниң ахирлирида учришиидиғанлиқини җакарлиғаниди.



مۇناسىۋەتلىك خەۋەرلەر