xitay: trampning koréye pirézidéntliri bilen élip baridighan uchrishishlirini qollaymiz

xitay dölet reisi shi jinping amérika pirézidénti trampning shimaliy koréye rehbiri kim jongun bilen jenubiy koréye pirézidénti mon jain otturisida élip bérilidighan uchrishishlarni qollaydighanliqini bildürdi.

xitay: trampning koréye pirézidéntliri bilen élip baridighan uchrishishlirini qollaymiz

türkiye awazi radiyosi xewiri: xitay tashqi ishlar ministirliqining bildürüshiche, shi jinping jenubiy koréye pirézidénti mon jainning alahide wekili süpitide xitaygha yétip barghan dölet xewpsizlik ishliri meslihetchisi chung eyyong bilen körüshken.

chung eyyongni shimaliy koréye we amérika qoshma ishtatlirigha ewetkenliki üchün mon jaingha yuqiri baha béridighanliqlirini éytqan shi jinping, aprélning axirliri mon jain bilen kim jongun, may éyida amérika pirézidénti tramp bilen kim jongun otturisida élip bérilidighan uchrishishlarning muweppeqiyetlik bolushigha tilekdashliq bildürgen.

shimaliy koréye bilen jenubiy koréye munasiwetlirining yaxshilinishini ümid qilidighanliqini eskertken shi jinping, washington bilen piyongyang otturisidiki diyalog we muzakirilerni qollaydighanliqlirini tekitligen hemde koréye yérim arilining yadro qoralliridin xaliy qilinishi we munasiwetlik terepler otturisidiki munasiwetlerning normanlashturulushi mesiliside közge körünerlik ilgirileshlerning hasil qilinishini ümid qilidighanliqini qeyt qilghan.

jenubiy koréye alahide wekili chung eyyong koréye yérim arilida muhim özgirishlerning hasil qilinishida muhim rol oynawatqanliqlirini eskertken.

bu heqte shi jinpinggha rehmet éytidighanliqlirini qeyt qilghan chung eyyong, séul hökümitining koréye yérim arilida mewjut pozitsiyesini dawamlashturush üchün béyjing hökümiti bilen dawamliq zich alaqe ornitishni xalaydighanliqlirini bildürgen.

jenubiy koréye pirézidénti mon jain shimaliy koréiye terep bilen piyong qish pesillik olimpik tenheriket musabiqisi jeryanida ishqa ashurulghan uchrishishlardin kéyin jenubiy koréiye dölet xewpsizlik ishlichi meslihetchisi  chung eyyongni bir heyet bilen alahide wekili süpitide bu döletke ewetken idi.

chung eyyong shimaliy koréye rehbiri kim jongun bilen élip barghan uchrishishida, ikki dölet rehberlirining aprélning axirliri bir yerge jem bolushi toghruluq birdeklik hasil qilghan idi.

shimaliy koréyediki uchrishishlirini axirlashturghandin kéyin amérika qoshma ishtatlirida ziyarette bolghan chung eyyong, kim jongunning signalini amérika qoshma ishtatlirigha yetküzgen idi.

amérika pirézidénti trampmu kim jongunning signalidin xewerdar bolghanliqlirini we teklipini qobul qilghanliqlirini uqturghan idi.



مۇناسىۋەتلىك خەۋەرلەر