хитай: трампниң корейә пирезидентлири билән елип баридиған учришишлирини қоллаймиз

хитай дөләт рәиси ши җинпиң америка пирезиденти трампниң шималий корейә рәһбири ким җоңун билән җәнубий корейә пирезиденти мон җаин оттурисида елип берилидиған учришишларни қоллайдиғанлиқини билдүрди.

хитай: трампниң корейә пирезидентлири билән елип баридиған учришишлирини қоллаймиз

түркийә авази радийоси хәвири: хитай ташқи ишлар министирлиқиниң билдүрүшичә, ши җинпиң җәнубий корейә пирезиденти мон җаинниң алаһидә вәкили сүпитидә хитайға йетип барған дөләт хәвпсизлик ишлири мәслиһәтчиси чуң әййоң билән көрүшкән.

чуң әййоңни шималий корейә вә америка қошма иштатлириға әвәткәнлики үчүн мон җаинға йуқири баһа беридиғанлиқлирини ейтқан ши җинпиң, апрелниң ахирлири мон җаин билән ким җоңун, май ейида америка пирезиденти трамп билән ким җоңун оттурисида елип берилидиған учришишларниң мувәппәқийәтлик болушиға тиләкдашлиқ билдүргән.

шималий корейә билән җәнубий корейә мунасивәтлириниң йахшилинишини үмид қилидиғанлиқини әскәрткән ши җинпиң, вашингтон билән пийоңйаң оттурисидики дийалог вә музакириләрни қоллайдиғанлиқлирини тәкитлигән һәмдә корейә йерим арилиниң йадро қораллиридин халий қилиниши вә мунасивәтлик тәрәпләр оттурисидики мунасивәтләрниң норманлаштурулуши мәсилисидә көзгә көрүнәрлик илгириләшләрниң һасил қилинишини үмид қилидиғанлиқини қәйт қилған.

җәнубий корейә алаһидә вәкили чуң әййоң корейә йерим арилида муһим өзгиришләрниң һасил қилинишида муһим рол ойнаватқанлиқлирини әскәрткән.

бу һәқтә ши җинпиңға рәһмәт ейтидиғанлиқлирини қәйт қилған чуң әййоң, сеул һөкүмитиниң корейә йерим арилида мәвҗут позитсийәсини давамлаштуруш үчүн бейҗиң һөкүмити билән давамлиқ зич алақә орнитишни халайдиғанлиқлирини билдүргән.

җәнубий корейә пирезиденти мон җаин шималий кореийә тәрәп билән пийоң қиш пәсиллик олимпик тәнһәрикәт мусабиқиси җәрйанида ишқа ашурулған учришишлардин кейин җәнубий кореийә дөләт хәвпсизлик ишличи мәслиһәтчиси  чуң әййоңни бир һәйәт билән алаһидә вәкили сүпитидә бу дөләткә әвәткән иди.

чуң әййоң шималий корейә рәһбири ким җоңун билән елип барған учришишида, икки дөләт рәһбәрлириниң апрелниң ахирлири бир йәргә җәм болуши тоғрулуқ бирдәклик һасил қилған иди.

шималий корейәдики учришишлирини ахирлаштурғандин кейин америка қошма иштатлирида зийарәттә болған чуң әййоң, ким җоңунниң сигналини америка қошма иштатлириға йәткүзгән иди.

америка пирезиденти трампму ким җоңунниң сигналидин хәвәрдар болғанлиқлирини вә тәклипини қобул қилғанлиқлирини уқтурған иди.



مۇناسىۋەتلىك خەۋەرلەر