2000дәк ефийопийәлик кенийәгә қачти

ефийопийәниң җәнубиға җайлашқан мойале районидики 2000дәк киши зораванлиқ вәқәлири түпәйли кенийәгә қачти.

2000дәк ефийопийәлик кенийәгә қачти

түркийә авази радийоси хәвири: ефийопийәниң җәнубиға җайлашқан мойале районида йүз бәргән зораванлиқ вәқәлиридин кейин райондики миңларчә адәм кенийәгә қачти.

кенийә қизил крест җәмийитиниң билдүрүшичә, чеградин өткән 2000дин артуқ ефийопийәликни қизил крест җәмийити хадимлири күтүвелип йардәм қилған. көп қисми айаллар вә балилардин тәшкил тапқан мусапирлар 4 лагерға маканлашқан.

мусапирларға йемәк-ичмәк, тазилиқ вә сәһийә буйумлири йәткүзүп берилгәндин сирт, районда 12 сәһийә хадими мусапирларға сәһийә мулазимити қилған.

ефийопийә армийәси һәптә ахири террорлуқ тәшкилати оромо азадлиқ тәшкилатиға һәрбий һәрикәт елип барғанда хата һалда 9 амминиң җениға замин болғанлиқини уқтурғаниди.

ефийопийәдики җиддий һаләтни контрол қилиш үчүн қурулған һәрбий қоманданлиқ мәркизи тәрипидин елан қилинған байанатта, вәқә үстидә елип берилған тәкшүрүш хизмәтлири даирисидә 5 һәрбий хадимниң назарәт астиға елинғанлиқи билдүрүлди.

ефийопийә баш министири һейлемарийам десалегинниң өткән ай һәм баш министирлиқ һәмдә ефийопийә хәлқ инқилаби демократчилар тәшкилати рәислик вәзиписидин истепа беришидин кейин, ефийопийәдә һөкүмәткә қарши намайишлар қозғилип зорванлиқ вәқәлири баш көтүрүши сәвәбидин  мәмликәт миқийасида җиддий һаләт елан қилинғаниди.  



مۇناسىۋەتلىك خەۋەرلەر