даеш рәһбириниң қиз қериндиши муддәтсиз қамақ вә өлүм җазасиға һөкүм қилинди

ирақ мәркизий җинайи ишлар сот мәһкимиси террорлуқ тәшкилати даешниң аталмиш рәһбири әбубәкир бағдадиниң қиз қериндишини терроризмни қоллаш җинайити билән әйибләп  муддәтсиз қамақ вә өлүм җазасиға һөкүм қилди.

даеш рәһбириниң қиз қериндиши муддәтсиз қамақ вә өлүм җазасиға һөкүм қилинди

түркийә авази радийоси хәвири: ирақ алий сот мәһкимисиниң байанатчиси абдуссәттар байрақтар бу һәқтә елан қилған йазма байанатида, җинайи ишлар сот мәһкимисиниң даешниң аталмиш рәһбири бағдадиниң терроризм җинайити билән сотлиниватқан қиз қериндишини муддәтсиз қамақ вә өлүм җазасиға һөкүм қилғанлиқини әскәртти.

бағдадиниң қиз қериндишиниң сорақ қилиниш җәрйанида даешқа арқа сәп тәминати җәһәттин йардәм бәргәнликини, мусулдики даеш әзалирини пул билән тәминлигәнликини иқрар қилғанлиқини ейтқан байрақтар, бағдадиниң қиз қериндишиниң йолдишиниңму даешниң йуқири дәриҗилик каттибашлиридин икәнликини, униңму илгири өлүм җазасиға һөкүм қилинғанлиқини қәйт қилди.



مۇناسىۋەتلىك خەۋەرلەر