әрәбистан шаһзадиси мисир таратқулириниң күнтәртипкә алақидар соаллириға җаваб бәрди

сәуди әрәбистан тәхт вариси шаһзадиси муһәммәд бин сәлман, «һусийлардин қануний салаһийәтни қайтуруп елиш нишаниға йетишкә аз қалғанлиқи» ни ейтти.

әрәбистан шаһзадиси мисир таратқулириниң күнтәртипкә алақидар соаллириға җаваб бәрди

түркийә авази радийоси хәвири: шаһзадә муһәммәд бин сәлманниң қаһирәдики зийарити җәрйанида мисирлиқ мухбирлар билән өткүзгән сөһбити дөләтниң йерим рәсмий гезити «әләһрам» да елан қилинди؛ у мәзкур сөһбәт җәрйанида, йәмән, пәләстин, қатар вә иран қатарлиқ район вә хәлқарадики өзгиришләр тоғрисида пикир байан қилди.

муһәммәд бин сәлман, йәмәндә һусийларни бир тәрәп қилип қануний салаһийәтни қайтуруп елиш нишаниға йетишкә аз қалғанлиқини, нишан ишқа ашқандин кейин урушниң ахирлишидиғанлиқини ейтти.

пәләстин мәсилиси тоғрисидиму тохталған шаһзадә муһәммәд бин сәлман, пәләстинликләрниң пайтәхти шәрқий қуддус болған мустәқил пәләстин дөлити қуруш һоқуқини қоллайдиғанлиқини әскәртип, 1967 – йилидин илгирики чегралар ичидә мустәқил бир пәләстин дөлити қуруш қарариниң «сәуди әрәбистан вә мисирниң өзгәрмәс пиринсиплириниң бири» икәнликини тәкитлиди.

шаһзадә муһәммәд бин сәлман парс қолтуқи киризиси тоғрисида тохтилип, «қатар муһасириниң америка қошма иштатлириниң кубаға қаратқан муһасирисиға охшаш он йилларчә давамлишиш еһтимали барлиқи» ни ейтти.

у йәнә, иранниң сийасәтлиригә «дүшмәнләрчә» дәп баһа бәрди.

муһәммәд бин сәлман, сәуди әрәбистандики шиәләргә зулум қилинмиғанлиқини әскәртип, дөлитидики шиәләрниң өзлири йашаватқан җайларниң гүллинишигә һәссә қошуп келиватқанлиқини вә йуқири дәриҗилик мәнсәпләрни тутқанлиқини ейтти.



مۇناسىۋەتلىك خەۋەرلەر