nato rusiye chégrasida daghdughiliq herbiy maniwér ötküzidu

shimaliy atlantik ehdi teshkilatigha eza döletler rusiye chégrasida 45 ming eskerning ishtirak qilishida daghdughiliq herbiy maniwér ötküzidu.

nato rusiye chégrasida daghdughiliq herbiy maniwér ötküzidu

türkiye awazi radiyosi xewiri: amérika qoshma ishtatliri déngiz armiyesi piyade qisimlirining qomandani général robért b néllér awam palatasida qilghan sözide, mundaq dédi: «aldimizdiki küz mezgilide, öktebirde su we quruqluqta teng ishlitilidighan mashinilarning ishtirak qilishida nato ning daghdughiliq herbiy maniwéri ötküzülidu.»

onlarche urush paraxotliri bilen urush ayropilanliri ishtirak qilidighan maniwérning norwégiye sahillirida  ötküzülidighanliqini eskertken  néllér, maniwér ötküzülidighan rayon heqqide éniq melumat bermestin, rusiye chégrasida ötküzülidighanliqigha isharet qilip mundaq dédi: «ishinimenki, rusiye terep heriketke ötidu. emma bu maniwér amérika qoshma ishtatliri yolgha qoyuwatqan istiratégiyening jiddiylikini, nato diki ittipaqdashlirimizning bizning özlirini qoghdishini xalaydighanliqini körsitidu.»

u ilgirimu norwégiyege orunlashturulghan qisimlirini rayonda «nahayiti chong urush» partlash éhtimalliqi toghruluq agahlandurghan idi.



مۇناسىۋەتلىك خەۋەرلەر