нато русийә чеграсида дағдуғилиқ һәрбий манивер өткүзиду

шималий атлантик әһди тәшкилатиға әза дөләтләр русийә чеграсида 45 миң әскәрниң иштирак қилишида дағдуғилиқ һәрбий манивер өткүзиду.

нато русийә чеграсида дағдуғилиқ һәрбий манивер өткүзиду

түркийә авази радийоси хәвири: америка қошма иштатлири деңиз армийәси пийадә қисимлириниң қомандани генерал роберт б неллер авам палатасида қилған сөзидә, мундақ деди: «алдимиздики күз мәзгилидә, өктәбирдә су вә қуруқлуқта тәң ишлитилидиған машиниларниң иштирак қилишида нато ниң дағдуғилиқ һәрбий манивери өткүзүлиду.»

онларчә уруш парахотлири билән уруш айропиланлири иштирак қилидиған маниверниң норвегийә саһиллирида  өткүзүлидиғанлиқини әскәрткән  неллер, манивер өткүзүлидиған район һәққидә ениқ мәлумат бәрмәстин, русийә чеграсида өткүзүлидиғанлиқиға ишарәт қилип мундақ деди: «ишинимәнки, русийә тәрәп һәрикәткә өтиду. әмма бу манивер америка қошма иштатлири йолға қойуватқан истиратегийәниң җиддийликини, нато дики иттипақдашлиримизниң бизниң өзлирини қоғдишини халайдиғанлиқини көрситиду.»

у илгириму норвегийәгә орунлаштурулған қисимлирини районда «наһайити чоң уруш» партлаш еһтималлиқи тоғрулуқ агаһландурған иди.



مۇناسىۋەتلىك خەۋەرلەر