б д т: террорлуқ тәшкилати й п г ниң котроллуқи астидики пуқраларниң әһвали интайин хәтәрлик

бирләшкән дөләтләр тәшкилати бөлгүнчи террорлуқ тәшкилати  й п г/п к к сүрийәниң африн районидин башқа җайларға кәткили қоймайватқан пуқраларниң әһвалиниң интайин әндишилик икәнликини билдүрди.

б д т: террорлуқ тәшкилати й п г ниң  котроллуқи астидики пуқраларниң әһвали интайин хәтәрлик

түркийә авази радийоси хәвири: бирләшкән дөләтләр тәшкилати баш катипиниң байанатчилиридин фәрһан һәқ күндилик мухбирларни хәвәрләндүрүш йиғинида бәргән байанатида,  йәрлик даириләр африн районидин башқа җайларға  кәткили қоймайватқан пуқраларниң әһвалидин интайин әндишә қиливатқанлиқлирини ейтти.

африн районидин һазирғичә 5 миң кишиниң айрилалиғанлиқини, бирақ әмдиликтә пуқраларниң башқа җайларға кетишигә рухсәт қилинмайватқанлиқини, бу һәқтики әндишилирини илгириму оттуриға қойғанлиқлирини қәйт қилған һәқ, африн райониға көзәткүчиләрниң йетип бериши вә райондин пуқраларниң айрилишини ишқа ашуруш үчүн саһәдики барлиқ тәрәпләр билән көрүшкәнликлирини, әмма даим дегүдәк қийинчилиққа дуч кәлгәнликлирини ейтти.

һәқ анадолу агентлиқи мухбириниң «йәрлик даириләрдин кимләрни көздә тутисиз? й п г / п к к террорлуқ тәшкилатиму?» тәриқисидики соалиға: «шундақ, уларму террорлуқ тәшкилати, <йәрлик даириләр> дин й п г / п к к ни көздә туттум» дәп җаваб бәрди.

бирләшкән дөләтләр тәшкилати баш катипи байанатчиси степһан дуҗарричму «йәрлик даириләр» дәп атиған бөлгүнчи террорлуқ тәшкилати  й п г/п к к ниң бихәтәр җайларға кәтмәкчи болған пуқраларға давамлиқ тосалғу болуватқанлиқини билдүргән иди.



مۇناسىۋەتلىك خەۋەرلەر