arakanda hökümet binaliri bomba hujumigha uchridi

birmaning arakan ölkisi paytexti sitwede hökümet binalirigha teng birla waqitta bomba bilen hujum qilish weqeliri yüz berdi.

arakanda hökümet binaliri bomba hujumigha uchridi

türkiye awazi radiyosi xewiri: saqchi bayanatchisi ang miyat mo shu yerning waqti etigen saet 04:00 etrapida sheherde jemiy 3 jayda partlash yüz bergenlikini, bashqa 3 yerdin yerlik usulda yasiwélinghan bombilar bayqalghanliqini élan qildi.

ang miyat mo partlashta adem ölüsh weqesi yüz bermigenlikini bildürüp, yuqiri derijilik bir hökümet emeldarining öyining aldida yüz bergen partlashta bir saqchi memurining yaridar bolghanliqini éytti.

weqe heqqide tekshürüshler dawamlashmaqta.

aldinqi sheherning ay mirauk u antik shehiride namayish qilmaqchi bolghan budist namayishchilargha saqchilar oq chiqarghan we 7 namayishchi ölüp, 10 din artuq namayishchi yaridar bolghan idi. 

arqidinla ölke hökümitige qarashliq yéza bashliqi yol boyida aptomobilining ichide ölük halda bayqalghan idi.

bu jinayetlerni radékal buddistlarning intiqam élish üchün sadir qilghan bolush éhtimali üstide tekshürüshler élip bérilmaqta idi.

bu qétimqi bomba hujumliriningmu yene oxshash meqset bilen élip bérilghanliqi texmin qilinmaqta.

sitwede musulmanlar bilen buddistlar otturisida 2012yili  yüz bergen zorawanliq weqeliri sewebidin 120 ming arakanliq musulman sheherni tashlap etraptiki panahlanghuchilar lagérlirigha orunlashqan idi. buddistlar bolsa, sheher merkizide qalghan idi.

birma eskerliri ölkining shimalida élip barghan heriketliri jeryanida musulmanlarni qeltiam qilghan bolup, birleshken döletler teshkilati teripdinmu «irqiy qirghinchiliq» dep baha bérilgen idi.

bu qetliamlar sewebidin awghust éyidin béri texminen 700 ming arakan musulmanliri qoshnisi bangladéshta panahlanmaqta.


خەتكۈچ: bomba , arakan , bangladésh

مۇناسىۋەتلىك خەۋەرلەر