xitay asasiy qanunidiki «sotsiyalistik dölet» ibarisi özgertilidighan boldi

xitay asasiy qanunidiki «sotsiyalistik dölet» ibarisi «qudretlik we zamaniwi sotsiyalistik dölet»dégen ibarige özgertilidighan boldi.

xitay asasiy qanunidiki «sotsiyalistik dölet» ibarisi özgertilidighan boldi

türkiye awazi radiyosi xewiri: xitayda dölet ishchi-xizmetchilirining asasiy qanungha sadaqet qesimi qilishta sözlinidighan « sotsiyalistik dölet »ibarisining aldigha «qudretlik» we «zamaniwi» dégen sözning qoshulushini mezmun qilghan qanun layihesi  memliketlik xelq qurultiygha sunuldi.

shinxua agéntliqining bu heqtiki xewirige qarighanda, asasiy qanundiki sadaqet qesimige munasiwetlik maddini tüzitishni mezmun qilghan qanun layihesi xitay memliketlik xelq qurultiyi ezalirining tekshürüp békitishge bérilgen.

mezkur qanun layihesige asaslanghanda, dölet ishchi-xizmetchiliri qesem bergende sözleydighan «sotsiyalistik döletke xizmet qilish»ibarisi «parawan, qudretlik, démokratiyelik, medeniy jehettin tereqqiy qilghan zamaniwi sotsiyalistik döletke xizmet qilish»dégen ibarige özgertilidiken.

xitay memliketlik xelq qurultiyi daimiy komitéti ijraiye ishliri komitéti muawin bashliqi jang yong, dölet we jemiyetni tereqqiy qildurush nishanliri dairiside xitay kommunistik partiyesining 19-nöwetlik omumiy kéngishide « sotsiyalistik dölet »ibarisini özgertishning qarar qilinghanliqini bildürdi.

xitayda 2016-yili ijra qilinishqa bashlighan  nöwettiki asasiy qanunda barliq dölet ishchi-xizmetchilirining asasiy qanungha sadaqet qesimi bérish mejburiy barliqi körsitilgen.

yéngi qanun layihesining kéler ay ötküzlidighan xitay memliketlik xelq qurultiyi 13-nöwetlik omumiy kéngishide awazgha qoyulup maqulluqtin ötkendin kéyin qanunlishidighanliqi kütülmekte.



مۇناسىۋەتلىك خەۋەرلەر