misir «‹refah› chégra éghizi» ni taqidi

türkiye awazi radiyosi xewiri: pelestinning qahire bash elchixanisi teripidin bu heqte élan qilinghan yazma bayanatta eskertilishiche, misir hökümiti «‹refah› chégra éghizi» ning taqalghanliqini özlirige uqturghan, emma chégra éghizining taqilish sewebi toghruluq melumat bermigen.

bayanatta körsitilishiche, misir ismailiye bilen elerish sheherlirini bir - birige tutashturidighan döletlik tash yoldiki pelesitnliklerning bixeterlikini qoghdash üchün bash elchi diyab ellewh bashchiliqida jiddiy ehwallargha taqabil turush biyorusi teshkil qilghan.

misir hökümiti «‹refah› chégra éghizi» ni «alahide ehwallar» üchün 4 künlük qosh tereplik achqan idi.

melumatlargha qarighanda, ghezze rayonigha kirip chiqilidighan 7 chégra éghizidin misirning kontirolluqidiki «‹refah› chégra éghizi» din bashqa 6 si israiliyening kontirolluqida iken.

bu 6 chégra éghizidin tijaret meqsitide ishlitiliwatqan 4 i hamasning saylamlarda ghelibe qilip, hakimiyetni ötküzüwélishidin kéyin 2007 – yili iyunda israiliye teripidin taqalghan bolup, qalghan ikki chégra éghizidin biri bolghan beyt xanun chégra éghizi chet el pasporti barlar, késeller we sodigerlerning iyordan deryasining gherbiy qirghiqigha ötüshi üchün, yene bir chégra éghizi bolghan kerm ebu salim chégra éghizi bezi soda mehsulatlirini ötküzüsh üchün ishlitilidiken.

kerm ebu salim chégra éghizi bilen beyt xanun chégra éghizi türlük sewebler bilen pat - pat taqilip qalidiken.

misir hökümitimu 2013 – yilqi herbiy – siyasiy özgirishtin buyan «‹refah› chégra éghizi» ni dégüdek tamaman taqaq halette tutmaqta iken.