girétsiyede türkiyedin qéchip ketken eskerler toghrisida qayta sot échilidu

fethullahchi térrorluq teshkilati 2016-yili 15-iyul qozghighan herbiy özgirish urunushidin kéyin girétsiyede panahlanghan qachqun eskerlerning panahlinish telipige munasiwetlik sot échilidighan künler békitildi.

girétsiyede türkiyedin qéchip ketken eskerler toghrisida qayta sot échilidu

türkiye awazi radiyosi xewiri: girétsiye yuqiri sot mehkimisining bashliqi nikolas sakéllariyo türkiyedin qéchip ketken eskerlerning soti toghrisidayazma bayanat élan qildi. bayanatta, qachqun eskerlerdin süleyman özkaynachigha bérilgen panahlinish hoquqini tonglitish heqqidiki sotning 22-féwralda échilidighanliqi bildürüldi.

bayanatta körsitilishiche, girétsiye hökümitining panahlinish hoquqini emeldin qaldurush erzi 2018-yili 4-may nikolas sakéllariyoning riyasetchilikide sot omumiy kéngishi teripidin muzakire qilinidiken we bu heqte qarar chiqirilidiken. sotning axirqi hökümigiche bashqa qachqun eskerlerning panahlinish telepliri toghrisida héchqandaq qarar élan qilinmaydiken.

girétsiye hökümet terepning qachqun eskerlerge panahlinish hoquqining bérilishige étiraz bildürüp erz sunushi netijiside, aféna memuriy sotning ornigha, eng aliy sotning délogha qarap chiqishi qarar qilinghan idi.

girétsiye panahliq tilesh ishxanisi özkaynakchining panahlinish telipining ret qilinishigha étiraz bildürüp, sunghan erzini qobul qilghan idi.

türkiyening jinayetchilerni qayturup bérish telipini ret qilghan girétsiye sot mehkimiliride, qayturup bérish toghrisidiki üchinchi telepke qarap chiqilidu.


خەتكۈچ: yuqiri sot , sot

مۇناسىۋەتلىك خەۋەرلەر