гиретсийәдә түркийәдин қечип кәткән әскәрләр тоғрисида қайта сот ечилиду

фәтһуллаһчи террорлуқ тәшкилати 2016-йили 15-ийул қозғиған һәрбий өзгириш урунушидин кейин гиретсийәдә панаһланған қачқун әскәрләрниң панаһлиниш тәлипигә мунасивәтлик сот ечилидиған күнләр бекитилди.

гиретсийәдә түркийәдин қечип кәткән әскәрләр тоғрисида қайта сот ечилиду

түркийә авази радийоси хәвири: гиретсийә йуқири сот мәһкимисиниң башлиқи николас сакелларийо түркийәдин қечип кәткән әскәрләрниң соти тоғрисидайазма байанат елан қилди. байанатта, қачқун әскәрләрдин сүләйман өзкайначиға берилгән панаһлиниш һоқуқини тоңлитиш һәққидики сотниң 22-февралда ечилидиғанлиқи билдүрүлди.

байанатта көрситилишичә, гиретсийә һөкүмитиниң панаһлиниш һоқуқини әмәлдин қалдуруш әрзи 2018-йили 4-май николас сакелларийониң рийасәтчиликидә сот омумий кеңиши тәрипидин музакирә қилинидикән вә бу һәқтә қарар чиқирилидикән. сотниң ахирқи һөкүмигичә башқа қачқун әскәрләрниң панаһлиниш тәләплири тоғрисида һечқандақ қарар елан қилинмайдикән.

гиретсийә һөкүмәт тәрәпниң қачқун әскәрләргә панаһлиниш һоқуқиниң берилишигә етираз билдүрүп әрз сунуши нәтиҗисидә, афена мәмурий сотниң орниға, әң алий сотниң делоға қарап чиқиши қарар қилинған иди.

гиретсийә панаһлиқ тиләш ишханиси өзкайнакчиниң панаһлиниш тәлипиниң рәт қилинишиға етираз билдүрүп, сунған әрзини қобул қилған иди.

түркийәниң җинайәтчиләрни қайтуруп бериш тәлипини рәт қилған гиретсийә сот мәһкимилиридә, қайтуруп бериш тоғрисидики үчинчи тәләпкә қарап чиқилиду.


خەتكۈچ: йуқири сот , сот

مۇناسىۋەتلىك خەۋەرلەر