abbas: amérikining ottura sherq tinchliq söhbetliride yigane muresseleshtürgüchi bolushini ret qilimiz

pelestin dölet reisi mehmud abbas, ottura sherq tinchliq söhbetliride amérika qoshma ishtatlirining muresseleshtürgüchilik rolini oynishini qobul qilmaydighanliqlirini bildürdi.

abbas: amérikining ottura sherq tinchliq söhbetliride yigane muresseleshtürgüchi bolushini ret qilimiz

türkiye awazi radiyosi xewiri: pelestin dölet reisi mehmud abbas paytext moskwada rusiye pirézidénti wiladimir putin bilen körüshkende söz qilip, ottura sherqning saqliniwatqan mesililirini hel qilishta köp tereplimilik muresseleshtürgüchilik söhbetlirige qarshi emesliklirini bildürdi؛ mezkur söhbetlerning irangha alaqidar kélishimdikige oxshash töt yaki uningdinmu köp dölettin teshkil tapsa bolidighanliqigha isharet qilghan abbas, «amérika qoshma ishtatlirining heriketliri yüzisidin, nöwettiki basquchta ular bilen muresseleshtürgichilik boyiche hemkarliq ornitishni ret qilimiz. xelqaraliq bir yighin chaqirilghan teqdirde, amérika qoshma ishtatlirining öz aldighila emes, perqliq muresseleshtürgüchilerning biri bolushini xalaymiz» dégenlerni qeyt qildi.

putin bolsa, pelestin xelqini herdaim qollap kelgenliklirini tekitlep, hazirqi haletning hemme körüshni arzu qiliwatqan nuqtidin bekla yiraqta ikenlikini eskertti.

amérika pirézidénti donald tramp, 6 – dékabirda quddusni israiliyening paytexti, dep étirap qilghanliqini we tél awiwdiki elchixanisining quddusqa yötkilishi üchün tashqi ishlar ministirliqigha yolyoruq chüshürgenlikini élan qilghanidi.

wiladimir putin mehmud abbas bilen ötküzgen yighindin ilgiri bayanat bérip, tramp bilen téléfonda sözliship, pelestin – israiliye kirizisini hel qilish toghrisida pikir almashturghanliqini bildürgenidi.


خەتكۈچ: abbas , putin , amérika , rusiye , pelestin

مۇناسىۋەتلىك خەۋەرلەر