аббас: америкиниң оттура шәрқ тинчлиқ сөһбәтлиридә йиганә мурәссәләштүргүчи болушини рәт қилимиз

пәләстин дөләт рәиси мәһмуд аббас, оттура шәрқ тинчлиқ сөһбәтлиридә америка қошма иштатлириниң мурәссәләштүргүчилик ролини ойнишини қобул қилмайдиғанлиқлирини билдүрди.

аббас: америкиниң оттура шәрқ тинчлиқ сөһбәтлиридә йиганә мурәссәләштүргүчи болушини рәт қилимиз

түркийә авази радийоси хәвири: пәләстин дөләт рәиси мәһмуд аббас пайтәхт москвада русийә пирезиденти виладимир путин билән көрүшкәндә сөз қилип, оттура шәрқниң сақлиниватқан мәсилилирини һәл қилишта көп тәрәплимилик мурәссәләштүргүчилик сөһбәтлиригә қарши әмәсликлирини билдүрди؛ мәзкур сөһбәтләрниң иранға алақидар келишимдикигә охшаш төт йаки униңдинму көп дөләттин тәшкил тапса болидиғанлиқиға ишарәт қилған аббас, «америка қошма иштатлириниң һәрикәтлири йүзисидин, нөвәттики басқучта улар билән мурәссәләштүргичилик бойичә һәмкарлиқ орнитишни рәт қилимиз. хәлқаралиқ бир йиғин чақирилған тәқдирдә, америка қошма иштатлириниң өз алдиғила әмәс, пәрқлиқ мурәссәләштүргүчиләрниң бири болушини халаймиз» дегәнләрни қәйт қилди.

путин болса, пәләстин хәлқини һәрдаим қоллап кәлгәнликлирини тәкитләп, һазирқи һаләтниң һәммә көрүшни арзу қиливатқан нуқтидин бәкла йирақта икәнликини әскәртти.

америка пирезиденти доналд трамп, 6 – декабирда қуддусни исраилийәниң пайтәхти, дәп етирап қилғанлиқини вә тел авивдики әлчиханисиниң қуддусқа йөткилиши үчүн ташқи ишлар министирлиқиға йолйоруқ чүшүргәнликини елан қилғаниди.

виладимир путин мәһмуд аббас билән өткүзгән йиғиндин илгири байанат берип, трамп билән телефонда сөзлишип, пәләстин – исраилийә киризисини һәл қилиш тоғрисида пикир алмаштурғанлиқини билдүргәниди.



مۇناسىۋەتلىك خەۋەرلەر