сәуди әрәбистанда йеқинқи 3 айда 600 миңдин артуқ чәт әллик қоғлап чиқирилди

сәуди әрәбистанда йеқинқи 3 айдин буйан иқамәт билән ишләш қануниға хилаплиқ қилғанлиқини сәвәб көрситип, 600 миңдин артуқ чәт әллик қоғлап чиқирилди.

сәуди әрәбистанда йеқинқи 3 айда 600 миңдин артуқ чәт әллик қоғлап чиқирилди

түркийә авази радийоси хәвири: сәуди әрәбистан ички ишлар министирлиқидин елан қилинған байанатта, 2017 – йили 15 – нойабирдин 2018 – йили 11 - февалғичә болған арилиқта, сәуди әрәбистанниң һәр қайси җайлрида елип берилған тәкшүрүшләр нәтиҗисидә, тәхминән 600 миң қанунсиз чәт әлликниң иқамәт, чегра мудапиәси вә хизмәт қануниға хилаплиқ қилғанлиқи үчүн назарәткә елинғанлиқи билдүрүлди.

назарәткә елинғанлардин 406 миң чәт әлликниң иқамәт қануниға хилаплиқ қилғанлиқи, 131 миң 545 кишиниң хизмәт қануниға зит ишларни қилғанлиқи, тәхминән 62 миң кишиниң сәуди әрбистанға қанунсиз йоллар билән киргәнлики уқтурулди.

байанатта, сәуди әрәбистанға чегра районлардин соқунуп кириш җәрйанида қолға елинған кишиләрниң %67 ниң йәмән пуқраси, %30 ниң ефофйа пуқраси икәнлики тәкитләнди.

буниңдин башқа йәнә, мушу җәрйанда қанунсиз йоллар билән сәуди әрбистандин чиқип кәтмәкчи болған 504 кишиниңму назарәткә елинғанлиқи қәйт қилинди.

сәуди әрәбистанға қанунсиз йоллар билән киришкә тиришқанларға йадәмчи болған 182 кишиниңму қолға елинғанлиқи тилға елинған байанатта, айалларниму өз ичигә алған чәт әлликләрниң бир қисминиң өз дөләтлиригә тәвә әлчиханиларға тапшурулуп, йол хети елиши ишқа ашурулғанлиқи, йәнә бир қисиминиң чеградин қоғлап чиқирилғанлиқи, қалғанлириниң болса, рәсмийәтлириниң давамлишиватқанлиқи әскәртилди.



مۇناسىۋەتلىك خەۋەرلەر