b d t: ötken yili 5 mingdin artuq bala jengchi qoyup bérildi

birleshken döletler teshkilati (b d t), ötken yili toqunush yüz bergen 20 dölette jengge qatnashturulghan 5 mingdin artuq balining qoyup bérilgenlikini uqturdi.

b d t: ötken yili 5 mingdin artuq bala jengchi qoyup bérildi

türkiye awazi radiyosi xewiri: birleshken döletler teshkilati (b d t), ötken yili toqunush yüz bergen 20 dölette jengge qatnashturulghan 5 mingdin artuq balining qoyup bérilgenlikini, biraq, on minglarche balining hélihem qoralliq guruppilarning qolida ikenlikini bildürdi.

b d t bash katipining balilar we qoralliq toqunushlargha mesul alahide wekili wirginiya gamba, «xelqara bala jengchilerdin paydilinishqa qarshi turush küni» munasiwiti bilen yazma bayanat élan qilip, toqunush rayonlirida on minglarche qiz – oghul balining qoralliq guruppilar teripidin tutup kétilip, jengge qatnashturulghanliqini eskertti.

xelqara jemiyetning balilarni qorallandurushqa qarshi élip barghan xizmetliri netijiside ötken yili 20 dölettiki qoralliq toqunushlarda jengge qatnashturulghan 5 mingdin artuq balining qoyup bérilgenlikini bildürgen gamba, bu balilarning «qorqunchluq halette» zorawanliqqa duchar bolghanliqini qeyt qildi.

zorawanliq weqelirining balilarda nahayiti éghir jismaniy we pisxik izlarni qaldurghanliqini bildürgen gamba, bu balilarni toqunushlardin yiraq tutushning xelqara jemiyetning mesuliyiti ikenlikini tekitlep ötti.

bildürülishiche, balilar eng köp jengge qatnashturulghan döletler arisida afghanistan, ottura afriqa jumhuriyiti, démokratik kongo jumhuriyiti, iraq, birma, nigériye, somali, jenubiy sudan, suriye we yemen qatarliqlar bar iken.


خەتكۈچ: bala jengchi , b d t

مۇناسىۋەتلىك خەۋەرلەر