б д т: өткән йили 5 миңдин артуқ бала җәңчи қойуп берилди

бирләшкән дөләтләр тәшкилати (б д т), өткән йили тоқунуш йүз бәргән 20 дөләттә җәңгә қатнаштурулған 5 миңдин артуқ балиниң қойуп берилгәнликини уқтурди.

б д т: өткән йили 5 миңдин артуқ бала җәңчи қойуп берилди

түркийә авази радийоси хәвири: бирләшкән дөләтләр тәшкилати (б д т), өткән йили тоқунуш йүз бәргән 20 дөләттә җәңгә қатнаштурулған 5 миңдин артуқ балиниң қойуп берилгәнликини, бирақ, он миңларчә балиниң һелиһәм қораллиқ гуруппиларниң қолида икәнликини билдүрди.

б д т баш катипиниң балилар вә қораллиқ тоқунушларға мәсул алаһидә вәкили виргинийа гамба, «хәлқара бала җәңчиләрдин пайдилинишқа қарши туруш күни» мунасивити билән йазма байанат елан қилип, тоқунуш районлирида он миңларчә қиз – оғул балиниң қораллиқ гуруппилар тәрипидин тутуп кетилип, җәңгә қатнаштурулғанлиқини әскәртти.

хәлқара җәмийәтниң балиларни қоралландурушқа қарши елип барған хизмәтлири нәтиҗисидә өткән йили 20 дөләттики қораллиқ тоқунушларда җәңгә қатнаштурулған 5 миңдин артуқ балиниң қойуп берилгәнликини билдүргән гамба, бу балиларниң «қорқунчлуқ һаләттә» зораванлиққа дучар болғанлиқини қәйт қилди.

зораванлиқ вәқәлириниң балиларда наһайити еғир җисманий вә писхик изларни қалдурғанлиқини билдүргән гамба, бу балиларни тоқунушлардин йирақ тутушниң хәлқара җәмийәтниң мәсулийити икәнликини тәкитләп өтти.

билдүрүлишичә, балилар әң көп җәңгә қатнаштурулған дөләтләр арисида афғанистан, оттура африқа җумһурийити, демократик конго җумһурийити, ирақ, бирма, нигерийә, сомали, җәнубий судан, сурийә вә йәмән қатарлиқлар бар икән.



مۇناسىۋەتلىك خەۋەرلەر