rusiye bilen amérika türkiyening «zeytun shéxi» herbiy herikiti toghrisida bayanat berdi

rusiye, süriyening afrin rayonini uwa tutqan p k k / p y d térrorluq teshkilatigha zerbe bérishni nishan qilghan «zeytun shéxi» herbiy herikitining bashlinishidin kéyin tunji bolup bayanat élan qildi.

rusiye bilen amérika türkiyening «zeytun shéxi» herbiy herikiti toghrisida bayanat berdi

türkiye awazi radiyosi xewiri: rusiye mudapie ministirliqi bayanat élan qilip, amérika qoshma ishtatliri mudapie ministirliqi – péntagonning amérika terepdari guruppilargha zamaniwi qorallarni bérip qutritish xaraktérlik qedemlerni tashlighanliqini eskertti. washington dairilirining süriyede mesuliyetsizlerche heriket qilghanliqi tilgha élinghan mezkur bayanatta, mesilini hel qilish musapisi we jenwe musapisining xewpke duch kelgenliki qeyt qilindi.

«zeytun shéxi» herbiy herikiti toghrisida amérika mudapie ministirliqimu bayanat élan qilip, türkiyening p k k gha alaqidar xewpsizlik endishilirini toghra chüshinidighanliqini, özlirining tüp nishanlirining daésh térrorluq teshkilatini yoqitish ikenlikini bildürdi.

péntagon, amérika bashchiliqidiki xelqara ittipaqdash küchlerning afrinda dawamlashturuwatqan bir herikitining yoqluqini qeyt qildi.

amérika armiyesi bash ishtabining afriqa we ottura sherqtiki herbiy heriketlerge mesul qomandanliqi qomandani joséf wotélmu afrin herbiy herikiti toghrisida bayanat élan qilip, türkiyening herbiy heriket toghrisida özlirini waqiplandurghanliqini, afrinning amérikining herbiy heriket sahesi emeslikini bildürdi.

yene bir tereptin, rusiye armiyesi bash ishtab bashliqi waléri gérasimow bilen amérika armiyesi bash ishtab bashliqi joséf dunford eng yéngi ehwallar toghrisida téléfon söhbiti ötküzdi؛ rusiye mudapie ministirliqi téléfon söhbitide, süriyediki özgirishler bilen birlikte ikki dölet munasiwetlirige alaqidar mesililerning muzakire qilinghanliqini élan qildi.

buningdin bashqa, rusiye afrindiki eskerlirining tél rifatqa yötkenlikini uqturdi.



مۇناسىۋەتلىك خەۋەرلەر