sisi misirdiki pirézidéntliq saylimigha yene namzat bolidu

misir pirézidénti abdulfettah sisi mart éyidiki pirézidéntliq saylimi üchün qaytidin namzat bolidighanliqini élan qildi.

sisi misirdiki pirézidéntliq saylimigha yene namzat bolidu

 

türkiye awazi radiyosi xewiri: abdulfettah sisi misirning paytexti qahirede ötküzülgen «weten hékayisi» namliq üch künlük konféransning yépilishida xelqqe xitab qilip: «qaytidin awaz bélitinglargha érishish üchün 2 – qétim pirézidént bolush üchün saylamda namzatliqim qobul qilindi. saylamgha qatnishish nisbitining yuqiri bolushini arzu qilimen» dédi.

herbiy- siyasiy özgirish arqiliq qanunsiz pirézidént boluwalghan sisi nutuqida yene, weten üchün jan bérishke teyyar ikenlikini tekitlep, emel, mensep koyida emeslikini we buningdin kéyinmu bolmaydighanliqini bildürdi.

misirining herbiy- siyasiy özgirish bilen mensepke kelgen pirézidénti sisi chirikleshkenlerni pirézidénliq orunduqigha yéqinlishishigha yol qoymaydighanliqini éytti.

sisi 2014 – yili ötküzülgen pirézidéntliq saylimida mensepke olturghan bolup, 2 – qétim namzat bolidighanliqi heqqide héchqandaq bayanat bermigen we 3 – qétim pirézidéntliqqa namzat bolmaydighanliqini élan qilghan idi.

misirda mart éyida ötküzülüshi pilanlanghan saylamlar üchün ete namzatliq iltimasliri sunush paaliyiti bashlinish aldida turidu.

sisi 2013 – yili qanunluq saylam bilen hakimiyet béshigha kelgen muhemmed mursini herbiy – siyasiy özgirish qozghash arqiliq aghdurup tashlap, hakimiyetni alqinigha kirgüzüwalghan idi.

misirda tunji qétim xelqning awazi bilen saylanghan we herbiy - siyasiy özgirish arqiliq aghdurup tashlanghan sabiq pirézidént muhemmed mursi hazirmu türmide yatmaqta.


خەتكۈچ: saylam , misir , sisi

مۇناسىۋەتلىك خەۋەرلەر