amérika atalmish «térrorchilar armiyesi»toghrisida bayanat élan qildi

türkiye awazi radiyosi xewiri: amérika atalmish «térrorchilar» armiyesi toghrisida bayanat berdi.

amérika mudapie ministirliqi –péntagon türkiyening atalmish «süriye chégra xewpsizlik qismi»din endishe qilishini toghra chüshinidighanliqlirini bildürdi.

ministirliq teripidin bu heqte élan qilinghan bayanatta, bu mesilining türkiye dairiliri bilen kéngesh qilinghanliqi qeyt qilindi.  

péntagon bayanatchisi érik pahon mundaq dédi: «herbiy telim-terbiye körgen chégra bixeterlik qismidin türkiyening endishe qilishini toghra chüshinimiz, nato ittipaqdéshimiz bolghan türkiye bilen yéqin munasiwitimiz bar.»

bölgünchi térrorluq teshkilati p y d – p k k unsurliridin teshkil qilinidighan atalmish «chégra bixeterlik qismi»mesilisining muzakire qilinip qilinmighanliqi toghrisida soralghan soalgha qarita pahon mundaq jawab berdi: «amérika hökümet mesulliri bilen türkiye mensebdashliri arisida ötküzüliwatqan muzakirilerning témisi del mushu témidur.»

muzakirilerning tepsilati toghrisida toxtalmaydighanliqini eskertken pahonning bayanatida «pilanlanghan chégra xewpsizlik qismi»ibarisini ishlitishi alahide diqqet qozghidi.

pahon yene bu mesilining péntagonning küntertipide ikenlikinimu eskertip qoydi.

péntagondin yene bir emeldar tünügün türkiye armiyesi térrorchilardin tazilashqa teyyarliniwatqan afrin rayonida, bölgünchi térrorluq teshkilati p k k – p y d  unsurlirini qollimaydighanliqlirini ilgiri sürgenidi.