америка пәләстингә қилинидиған йардәмни тохтатти
америка ташқи ишлар министирлиқи пәләстингә берилидиған 125 милйон долларлиқ йардәмниң 65 милйон долларлиқ қисмини «көздин кәчүрүш» үчүн тохтатқанлиқини елан қилди.
түркийә авази радийоси хәвири: америка ташқи ишлар министирлиқи байанатчиси хесир новрт күндилик ахбарат елан қилиш йиғинида пәләстингә берилидиған йардәм тоғрисида мухбирларниң соаллириға җаваб бәрди. у: «америка көздин кәчүрүш үчүн пәләстингә берилидиған 65 милйон долларлиқ йардәмни тохтатти» деди.
у буниң «әмәлдин қалдурғанлиқ» ни билдүрмәйдиғанлиқини әскәртип, мундақ деди:
«буниңға бәзи өзгәртишләрниң киргүзүлишини үмид қилимиз.»
у 65 милйон долларлиқ йардәмниң тохтитилғанлиқини, бирақ 60 милйон долларлиқ йардәмниң б д т пәләстинлик мусапирларға йардәм қилиш тәшкилатиға берилидиғанлиқини уқтурди.
байанатчи новрт пирезидент трамп һөкүмити алған мәзкур қарарниң, б д т омумий кеңишидики қуддус қарариға мунасивәтсиз икәнликини илгири сүрди.
пәләстин миллий сәпәрвәрлик тәшкилатиниң баш катипи мустафа әлбәргуси американиң йардәмни тохтитиш қарарини әйиблиди вә: «мәзкур қарарниң пәләстинлик мусапирларниң қайтип келиш һоқуқини йоқ қилишни нишан қилған исираилийәниң бесимиға охшайдиған хәтәрлик сийасий бағлиниши бар» деди.
мустафа әлбәргуси бу қарарниң қорал күчи билән мәҗбурий һалда йурт-маканлиридин қоғлап чиқирилған милйонларчә пәләстинлик мусапирларға тәһдит салғанлиқини әскәртти. у хәлқаралиқ җәмийәтни вә б д т ни, йардәмләр азайтилғандин кейин, б д т пәләстинлик мусапирларға йардәм қилиш тәшкилатида оттуриға чиқидиған кәмчилликләрниң орнини толдуруш үчүн бир қатар йеңи механизмларни орнитишни чақириқ қилди.