ақдеңизда 192 мусапир һайатидин айрилди

хәлқара көчмәнләр тәшкилати, 2018 – йилиниң дәсләпки 11 күнидә ақдеңиз арқилиқ йавропаға өтүп кәтмәкчи болған 192 көчмәнниң җенидин айрилғанлиқини уқтурди.

ақдеңизда 192 мусапир һайатидин айрилди

түркийә авази радийоси хәвири: хәлқара көчмәнләр тәшкилати байанатчиси җоел милман б д т ниң җәнвәдики ишханисида мухбирларни күтүвелиш йиғини өткүзүп, «бу һәқиқәтән (мусапирлар үчүн) маматлиқ бир йил башлиниши болди» деди.

милман, 1 – йанвардин 11 – йанварғичә болған арилиқта 192 мусапирниң йавропа қирғақлириға өтүшкә урунуш җәрйанида ақдеңиз сулирида һайатидин айрилғанлиқини әскәртти вә өткән йилниң охшаш мәзгилидә бу нуқтида 12 мусапирниң һайатидин айрилғанлиқини қәйт қилди.

милман, мушу йил ичидә 1476 мусапирниң деңиз йоли арқилиқ йавропаға өткәнлики, буларниң 557 синиң италийә, 614 иниң гиретсийә, 285 синиң испанийә земинлириға айағ басқанлиқи؛ өткән йилниң охшаш мәзгилидә болса, җәмий 1159 мусапирниң йавропаға барғанлиқи тоғрисидики учурларни мәтбуат мәнсуплири билән ортақлашти.

милман, дүшәнбә күни ливийәдин ақдеңиз арқилиқ италийәгә өтүп кәтмәкчи болған 150 қанунсиз көчмән олтурған кеминиң ғәрқ болуп кетиши нәтиҗисидә 64 мусапирниң һайатидин айрилишиниң мушу йилниң бүгүнгичә көрүлгән әң еғир мусапирлар киризиси икәнликини қәйт қилди.

б д т мусапирлар алий комиссарлиқи байанатчиси вилйам спиндлер болса, хәлқара җәмийәткә чақириқ қилип, мусапирларниң һайатлирини қутулдуруп қелиш үчүн, аилә бирләшмисини өз ичигә алған йеңи, тәңдаш чариләрниң оттуриға қойулуши лазимлиқини тәкитлиди.

хәлқара көчмәнләр тәшкилатиниң билдүрүшичә, 2017 – йили ақдеңиз арқилиқ йавропаға барған мусапирлар сани бир алдинқи йилға селиштурғанда тәңмутәң төвәнләп 171 миң болған؛ бу җәрйанда 3116 мусапир ақдеңизда җенидин айрилған.



مۇناسىۋەتلىك خەۋەرلەر