tramp iran toghrisidiki qararining mudditini «axirqi qétim» uzartti

amérika qoshma ishtatliri pirézidénti donald tramp, yadro kélishimi dairiside qarar qilinghan irandin émbargoni kötürüwétish höjjitining mudditini «axirqi qétim» uzartti.

tramp iran toghrisidiki qararining mudditini «axirqi qétim» uzartti

türkiye awazi radiyosi xewiri: amérikining iran bilen b d t  xewpsizlik kéngishining besh daimiy ezasi we gérmaniye arisida imzalanghan yadro kélishimining émbargolargha alaqidar maddisini emeldin qaldurmaydighanliqini bildürgen alaqidar emeldarlar, irandin émbargoni kötürüwétish qararining mudditining 120 kün uzartilghanliqini qeyt qildi.

aqsaray bu heqte bayanat bérip, tötinchi shundaqla axirqi qétim mudditi uzartilghan kélishimge kéreklik özgertishlerning kirgüzülüshining telep qilinghanliqini eskertti؛ bayanatta, iranning rayonni muqimsizlashturidighan paaliyetler bilen shughullanghanliqi we buni toxtitishi üchün irangha bésim ishlitilishi kérekliki tekitlendi.

bayanatta yene, téhran dairiliri iranliqlarning asasiy heq – hoquq we erkinliklirini bérishke chaqirildi.

tramp hökümitining bir tereptin irandin yadro kélishimige alaqidar émbargoni kötürüwétish toghrisidiki höjjetning mudditini uzartip, yene bir tereptin yéngi émbargolarni yürgüzüshi diqqetni tartti؛ amérika xezine ishliri ministirliqi, amérika hökümitining yadro kélishimige alaqidar qararidin kéyinla iranning kishilik hoquqni depsende qilish we qorallinish paaliyetlirini qollighanliqini ilgiri sürüp, 14 kishi we organgha jaza yürgüzidighanliqini élan qildi.


خەتكۈچ: amérika , émbargo , iran , tramp

مۇناسىۋەتلىك خەۋەرلەر