трамп иран тоғрисидики қарариниң муддитини «ахирқи қетим» узартти

америка қошма иштатлири пирезиденти доналд трамп, йадро келишими даирисидә қарар қилинған ирандин ембаргони көтүрүветиш һөҗҗитиниң муддитини «ахирқи қетим» узартти.

трамп иран тоғрисидики қарариниң муддитини «ахирқи қетим» узартти

түркийә авази радийоси хәвири: америкиниң иран билән б д т  хәвпсизлик кеңишиниң бәш даимий әзаси вә германийә арисида имзаланған йадро келишиминиң ембарголарға алақидар маддисини әмәлдин қалдурмайдиғанлиқини билдүргән алақидар әмәлдарлар, ирандин ембаргони көтүрүветиш қарариниң муддитиниң 120 күн узартилғанлиқини қәйт қилди.

ақсарай бу һәқтә байанат берип, төтинчи шундақла ахирқи қетим муддити узартилған келишимгә керәклик өзгәртишләрниң киргүзүлүшиниң тәләп қилинғанлиқини әскәртти؛ байанатта, иранниң районни муқимсизлаштуридиған паалийәтләр билән шуғулланғанлиқи вә буни тохтитиши үчүн иранға бесим ишлитилиши керәклики тәкитләнди.

байанатта йәнә, теһран даирилири иранлиқларниң асасий һәқ – һоқуқ вә әркинликлирини беришкә чақирилди.

трамп һөкүмитиниң бир тәрәптин ирандин йадро келишимигә алақидар ембаргони көтүрүветиш тоғрисидики һөҗҗәтниң муддитини узартип, йәнә бир тәрәптин йеңи ембарголарни йүргүзүши диққәтни тартти؛ америка хәзинә ишлири министирлиқи, америка һөкүмитиниң йадро келишимигә алақидар қараридин кейинла иранниң кишилик һоқуқни дәпсәндә қилиш вә қораллиниш паалийәтлирини қоллиғанлиқини илгири сүрүп, 14 киши вә органға җаза йүргүзидиғанлиқини елан қилди.



مۇناسىۋەتلىك خەۋەرلەر