makron trampni iran bilen tüzülgen kélishimge riaye qilishqa chaqirdi

firansiye pirézidénti émmanuél makron amérika qoshma ishtatliri pirézidénti donald trampni iran bilen tüzülgen kélishimge riaye qilishqa chaqirdi.

makron trampni iran bilen tüzülgen kélishimge riaye qilishqa chaqirdi

türkiye awazi radiyosi xewiri: firansiye pirézidént mehkimisining bildürüshiche, ikki rehber iran bilen 2015 – yili tüzülgen «yadro kélishimi» we «shimaliy koréiye kirizisi» heqqide téléfon uchrishishi élip barghan. makron firansiyening iran bilen tüzülgen «yadro kélishimi» ge pütünley riaye qilish we kélishimni imzalighan barliq tereplerning wediside turushining nahayiti zor ehmiyetke ige ikenlikini tekitligen hemde ottura sherqte uzaq mezgillik muqimliqni ishqa ashurush meqsitide iran hökümiti bilen ballistik bashqurulidighan bomba pirogrammisi we rayonluq siyasiti arqiliq kücheytilgen diyalog ornitilishidin sirt yene, kélishimge toluq riaye qilishning zörürlükini eskertken. shuning bilen bir waqitta, 8 – 10 – yanwar künliri xitay ziyariti jeryanida küntertipke kelgen shimaliy koréiye mesilisige alaqidar özgirishler heqqide trampqa melumat bergen,  yéqindin buyan shimaliy koréiye bilen jenubiy koréiye otturisida qaytidin alaqe ornitilishining ijabiy özgirish hésablinidighanliqini tekitligen, axirida, koréiye yérim arilini yadro qoralliridin xaliy qilish we kirizisni siyasiy yollar arqiliq hel qilish üchün birleshken döletler teshkilati xewpsizlik kéngishining «qetiy irade siyasiti» ni dawamliq yolgha qoyushining muhimliqini qeyt qilghan.


خەتكۈچ: tramp , amérika , makron , firansiye

مۇناسىۋەتلىك خەۋەرلەر