макрон трампни иран билән түзүлгән келишимгә риайә қилишқа чақирди

фирансийә пирезиденти еммануел макрон америка қошма иштатлири пирезиденти доналд трампни иран билән түзүлгән келишимгә риайә қилишқа чақирди.

макрон трампни иран билән түзүлгән келишимгә риайә қилишқа чақирди

түркийә авази радийоси хәвири: фирансийә пирезидент мәһкимисиниң билдүрүшичә, икки рәһбәр иран билән 2015 – йили түзүлгән «йадро келишими» вә «шималий кореийә киризиси» һәққидә телефон учришиши елип барған. макрон фирансийәниң иран билән түзүлгән «йадро келишими» гә пүтүнләй риайә қилиш вә келишимни имзалиған барлиқ тәрәпләрниң вәдисидә турушиниң наһайити зор әһмийәткә игә икәнликини тәкитлигән һәмдә оттура шәрқтә узақ мәзгиллик муқимлиқни ишқа ашуруш мәқситидә иран һөкүмити билән баллистик башқурулидиған бомба пирограммиси вә районлуқ сийасити арқилиқ күчәйтилгән дийалог орнитилишидин сирт йәнә, келишимгә толуқ риайә қилишниң зөрүрлүкини әскәрткән. шуниң билән бир вақитта, 8 – 10 – йанвар күнлири хитай зийарити җәрйанида күнтәртипкә кәлгән шималий кореийә мәсилисигә алақидар өзгиришләр һәққидә трампқа мәлумат бәргән,  йеқиндин буйан шималий кореийә билән җәнубий кореийә оттурисида қайтидин алақә орнитилишиниң иҗабий өзгириш һесаблинидиғанлиқини тәкитлигән, ахирида, кореийә йерим арилини йадро қораллиридин халий қилиш вә киризисни сийасий йоллар арқилиқ һәл қилиш үчүн бирләшкән дөләтләр тәшкилати хәвпсизлик кеңишиниң «қәтий ирадә сийасити» ни давамлиқ йолға қойушиниң муһимлиқини қәйт қилған.



مۇناسىۋەتلىك خەۋەرلەر