йавропа иттипақи дөләтлириниң панаһлиқиға еришиш техиму қейинлишамду?

йавропа иттипақиниң панаһланғучилар нормиси талаш - тартиш пәйда қилди.

йавропа иттипақи дөләтлириниң панаһлиқиға еришиш техиму қейинлишамду?

түркийә авази радийоси хәвири: йавропа кеңиши башлиқи доналд туск панаһланғучиларни мәҗбурий қобул қилиш нормисиниң интайин бөлгүнчи вә үнүмсиз икәнликини илгири сүрүп, әмәлдин қалдурулишини тәләп қилди.

йавропа комитети әзаси димитрис аврамополос болса, бундақ қилишниң йавропаниң қиммәт қарашлириға зит икәнликини ейтти.

доналд туск белгийә пайтәхти бирйусселда башланған вә җүмә күни ахирилишдиған йавропа итиипақи рәһбәрлири йиғинидин илгири әза дөләт вә һөкүмәт рәһбәрлиригә мәхсус тәләп мәктуби йоллап, панаһланғучилар мәслисиниңму күнтәртипкә келидиғанлиқини билдүргән иди.

доналд туск йавропа иттипақиға әза дөләтләрниң панаһланғучиларни мәҗбурий қобул қилиш нормиси үстидиму тохтилип: «бүгүнгичә қолға кәлтүргән тәҗрибилиримиз, панаһланғучиларни мәҗбурий қобул қилиш нормисиниң интайин бөлгүнчи харакетрлик икәнликини, буниңға тутулған позитсийә вә иҗра қилишниңму тәңпуңсиз қизиқишқа игә болуватқанлиқини, йәнә бир мәнидин елип ейтқанда, толиму үнүмсиз икәнликини намайан қилди» дегән сөзләрни ишләтти.

доналд тускниң бу сөзлири панаһланғучиларни мәҗбурий қобул қилиш нормисини қоллайдиған вә буниңға риайә қилмиған әза дөләтләр үстидин йавропа адаләт диваниға әрз сунған йавропа комитетиниң наразилиқиға дуч кәлди.

йавропа комитетиниң көчмәнлик вә нопус ишлириға мәсул әзаси димитрис аврамополос қирансийәниң ситрасбург шәһиридә бәргән байанатида, тускниң сөзлириниң 3 йилдин буйан қилған барлиқ хизмәтлирини рәт қилғанлиқ болидиғанлиқини билдүрди.

димитрис аврамополос: «бу йавропа лайиһәсиниң асаслиқ амиллиридин бирси болған һәмкарлишиш пиринсипиға палта чапқанлиқтур. һәмкарлиқ дегәнлик, ишиға йариғанни талливелиш дегәнлик болмайду. йавропа иттипақиниң панаһланғучиларни қоғдашқа қарита әхлақий вә қануний мәсулийити бар» деди. 

йавропа комитети италийә вә гиретсийәдики 160 миң панаһланғучиниң башқа әза дөләтләргә тарқитилишиға алақидар 2 йил илгири бир пиланни қобул қилған, бирақ шунчә узун вақит өткән болсиму, улардин аран 30 миң кишини башқа әза дөләтләр қобул қилған иди. 

финландийә, иреландийә, литванийә, лийуксембург, малта вә шивейетсарийәдин башқа барлиқ әза дөләтләр мәҗбурий қобул қилиш нормисни %50 тинму төвән иҗра қилған болса, полша, венгрийә, вә чех вә словакийә қатарлиқ дөләтләр пүтүнләй рәт қилған иди.    



مۇناسىۋەتلىك خەۋەرلەر