америка 3 хитай ширкити вә 1 хитай пуқрасини ембарго тизимликигә киргүзди

хитай ташқи ишлар минситирлиқи байанатчиси лукаң,  америкиниң бу ембарго қарариға наразилиқ билдүрди.

америка 3 хитай ширкити вә 1 хитай пуқрасини ембарго тизимликигә киргүзди

түркийә авази радийоси хәвири: хитай америкиниң шималий корейәгә қарши йолға қойған вә хитай ширкәтлири билән хитай пуқралириниму өз ичигә алған ембарголириға наразилиқ билдүрүп, хата болғанлиқини илгири сүрди.

бирләшкән дөләтләр тәшкилати хәвпсизлик кеңишиниң шималий корейәгә қарши ембарго қарарини қоллиғанлиқини вә өзиниңму иҗра қилғанлиқини әскәрткән хитай ташқи ишлар минситирлиқи байанатчиси лукаң, «шуни қайта тәкитиләшни халаймизки, һәрқандақ бир дөләтниң өзиниң ички қанунлириға бинаән хитай ширкәтлиригә вә пуқралириға қарши өз алдиға йолға қойған ембарголириға қаттиқ қарши чиқимиз. чүнки бу хата» деди.

лукаң ембаrго қойулған хитай ширкәтлирини тәкшүрүш башлиғанлиқини, бу ширкәтләр әгәр қанунларға вә хәлқаралиқ мәсулийәтлиригә хилаплиқ қилған болса, қарап турмайдиғанлиқини қәйт қилди

лукаң әгәр хитай ширкәтлиригә алақидар конкерт пакит болса, уни хитай даирилиригиму билдүрүшни тәләп қилди.

америка хәзинә ишлири министирлиқи шималий корейәниң сода паалийәтлирини чәкләш үчүн хитай ширкити вә 1 хитай  шәхсниму өз ичигә алған 13 ширкәт, 20 парахотқа ембарго қойғанлиқини елан қилған болуп, ембарголарниң шималий корейәниң балистик башқурулидиған бомба вә йадролуқ қорал паалийәтлиригә ишлитиватқан қанунсиз мәбләғләрни кисип ташлашни мәқсәт қилидиғанлиқи билдүрүлгән иди

қара тизимликкә исми киргүзүлгән хитайниң «дандоң кехуа  иқтисад вә сода ширкити», «дандоң шиаңхи сода ширкити» вә «дандоң хоңда сода ширкити» намлиқ ширкәтлириниң 2013 – йил декабир ейидин 2017 – йил авғуст ейиғичә болған җәрйанда, шималий корейә билән 750 милйон долларлиқ тиҗарәт қилғанлиқи билдүрүлгән иди

америка пирезиденти доналд трамп буниңдин илгири елан қилған байанатида, шималий корейәни террорлуқни қоллиған дөләтләр тизимликигә киргүзгәнликини елан қилған вә «бу қәдәм؛ шималий корейә һөкүмитигә вә һөкүмити билән болған мунасивәтләргә йеңи ембарго вә җазаларни елип келиду. биз бәзидә оқуған вә бәзидә йазған бу қанхор түзүмгә қарши башлиған әқәллий бесим ишлитиш сәпәрвәрликимизгә һәссә қошиду» дегән иди.   



مۇناسىۋەتلىك خەۋەرلەر