сәпдашлири етип ташлиған шималий корейәлик әскәрниң көрүнүшлири елан қилинди

җәнубий корейәгә өтүп кәтмәкчи болғанда сәпдашлири тәрипидин етип ташланған шималий корейәлик әскәрниң көрүнүшлири һәмбәһирлишилди.

g.koreli asker.jpg

түркийә авази радийоси хәвири: җәнубий корейәдә бирләшкән дөләтләр тәшкилати қисимлири байанатчиси америкилиқ полковник чад г. каррол ахбарат елан қилиш йиғинида, шималий корейәлик әскәрниң ведио көринишини көрситип, 13 – нойабирда панмунҗомда йүз бәргән бу вәқәдә, шималий корейәниң 1950 – йилидин 1953 – йиллириғичә болған корейә урушиға хатимә бәргән уруш тохтитиш келишиминиң дәпсәндә қилинғанлиқини ейтти.  

видеода чеграға оптомобил билән барған шималий корейә әскириниң җәнубй корейәгә йүгүрүп өтүп кәтмәкчи болғанлиқи, сәпдашлириниң униң 5 йеригә оқ атқанлиқи вә җәнубий корейә әскәрлириниң йәргә йеқилған шималий корейә әскирини сөригән һалда райондин узақлаштурғанлиқи көрүлиду.

шималий көрейә  әскириниң вәқәдин кейин бирләшкән дөләтләр тәшкилати қисимлириға тәвә тик  учар айропилан билән сеолға йеқин аҗо университети дохтурханисиға йөткәп келингәнлики билдүрүлди.

америка һөкүмити шималий корейәни террорлуқни қоллиған дөләтләр тизимликигә киргүзүп, иқтисадий җәһәттин йетим қалдуруш үчүн ембарголарниң даирисини кеңәйткән иди.

америка пирезиденти доналд трамп шималий корейәни йетим қалдуруш вә музакирә үстилигә қайтидин олтурушини ишқа ашуруш мәқситидә, шималий корейә һөкүмити билән болған иқтисадий, депломатик вә башқа мунасвәтләрниң һәммини үзүш үчүн хәлқаралиқ тиришчанлиқларни давамлаштурмақта.  

 



مۇناسىۋەتلىك خەۋەرلەر