иран сәуди әрәбистанни қаттиқ әйиблиди

иран ташқи ишлар министири муһәммәд җәвад зәриф, сәуди әрәбистанни террор йантайақлирини күшкүртүш билән әйиблиди.

иран сәуди әрәбистанни қаттиқ әйиблиди

түркийә авази радийоси хәвири: иран ташқи ишлар министири муһәммәд җәвад зәриф тивиттер адреси арқилиқ байанат берип, «террорчиларни күшкүрткән, йәмәндә уруш чиқарған, қатарни йалғузлуққа иттиргән вә ливандики киризисниң пилтисиға от йаққан сәуди әрәбистанниң иранни, районни муқимсизлаштуруш билән әйиблиши номус қиларлиқ бир иштур» дегәнләрни қәйт қилди.

әрәб әллири иттипақиға әза әлләрниң мисирниң пайтәхти қаһирәдә чақирилған ташқи ишлар министирлири йиғинидин кейин елан қилинған байанатта, иран районда муқимсизлиқ пәйда қилиш билән әйибләнгәниди.

сәуди әрәбистан ташқи ишлар министири адил әлҗубәйр мухбирларни күтүвелиш йиғини өткүзүп, «әмди сәвримиз түгиди, иранниң дүшмәнликлири вә таҗавузчилиқ қилмишлириға җаваб беримиз» дегәниди.



مۇناسىۋەتلىك خەۋەرلەر