б д т бүгүн сүрийә мәсилиси бойичә йиғин чақириду

түркийә авази радийоси хәвири: бирләшкән дөләтләр тәшкилати хәвпсизлик кеңиши бүгүн сүрийә мәсилиси бойичә йиғин чақириду.

кеңәш сүрийәдә химийиви қораллар һуҗумлирини тәкшүрүш хизмитиниң даирисини кеңәйтиш мәсилисини музакирә қилиду.

буниң мунасивәтлик қарар лайиһәси б д т хәвпсизлик кеңишидә авазға қойулиду.

мәзкур қарар лайиһәси сүрийәдики химийиви қораллар һуҗумлири үстидә тәкшүрүш елип бериватқан һәйәтниң вәзипә өтәш муддитини йәнә бир йил узартишни мәзмун қилиду.

бирақ бу қарар лайиһәсини аваз қойуш паалийити 15 әзаси болған б д т хәвпсизлик кеңишиниң 5 даимий әзасидин бири болған русийәниң вето қилишиға дуч келиши мумкин.

русийә авазға қойуш паалийитидин илгири бу йил 4-апрелда хан шәйхунда 90дин артуқ адәмниң өлүмигә сәвәб болған һуҗумиға мунасивәтлик доклатниң елан қилинишини тәләп қилмақта.

бирақ мәзкур доклатниң 26-өктәбирдә елан қилиниши күтүлмәктә.

америка даирилири хан шәйхундики һуҗумниң җавабкариниң сүрийә һөкүмити икәнликини билдүрүп, пирезидент доналд трампниң йолйуруқи билән  шайрат һава һәрбий базисини бомбардиман қилғаниди.