amérika kerkük toghruluq bayanat élan qildi

amérika mudapie ministirliqi-péntagon weziyiti keskinliship ketken kerkük toghruluq bayanat élan qildi.

amérika kerkük toghruluq bayanat élan qildi

türkiye awazi radiyosi xewiri: amérika mudapie ministirliqi-péntagon iraqning kerkük shehirining nöwettiki weziyiti toghruluq bayanat élan qilip, alaqidar tereplerni weziyetni bésiqturushke chaqirish bilen birge, iraqning zémin pütünlükini saqlap qélishning muhimliqini tekitlidi.

péntagonning ottura sherq ishxanisi bayanatchisi oféstir adriyan rankine gallowéy (Adrian Rankine Galloway) mundaq dédi: «alaqidar tereplerni weziyetni bésiqturush üchün tigishlik xizmetlerni ishleshke, shundaqla térrorluq teshkilati daéshqa zerbe bérish heriketlirige tosalghu bolidighan we iraqning muqimliqigha ziyan yetküzidighan ishlarni qilmasliqqa chaqirimiz. qaysi terep bolushtin qetiynezer zorawanliqqa qetiy qarshimiz.»

amérikining iraqning zémin pütünlükige tolimu ehmiyet béridighanliqini éytqan oféstir gallowéy sözini dawamlashturup mundaq dédi: «iraq kürt (kort)rayonluq hökümiti öz aldigha musteqilliq référandum ötküzdi, netijide rayonning weziyiti keskinliship ketti, shunga weziyetni bésiqturush we uzundin buyan dawamliship kéliwatqan mesililerni iraq asasiy qanun dairiside hel qilish üchün eng yaxshi chare diyalog ötküzüshtur.»

amérikining ottura sherqte daéshqa zerbe bérishke merkezleshkenlikini éytqan oféstir gallowéy rayondiki barliq dölet we küchlernimu pütün diqqitini daéshqa zerbe bérishke merkezleshtürüshke chaqirdi.


خەتكۈچ: kerkük , péntagon , amérika

مۇناسىۋەتلىك خەۋەرلەر