amérika nigérda öltürülgen eskerliri toghrisida bayanat élan qildi

amérika qoshma ishtatliri mudapie ministirliqi – péntagon, nigérning sherqiy jenubida charlash élip bériwatqan amérika we négir eskerlirini pistirmigha chüshürgenlerning daésh ezasi térrorchilar ikenlikini éniqlap chiqqanliqlirini bildürdi.

amérika nigérda öltürülgen eskerliri toghrisida bayanat élan qildi

türkiye awazi radiyosi xewiri: péntagonning afriqa ishliri bölümi bayanatchisi ming béshi maykél baldanza, 6 – öktebirdiki amérikining 4 eskiri öltürülgen hujumning daésh teripidin élip bérilghanliqini bildürüp, «hujumning daésh teripidin qilinghanliqini jezmleshtürimen, biraq tekshürüsh basquchida bolghanliqi üchün hujumgha alaqidar tepsilatlarni ashkariliyalmaymen» dédi.

amérika taratqulirining soallirigha jawab bergen ismining ashkarilinishini xalimaydighan bir mudapie emeldari, hujumning 15 térrorchi teripidin sadir qilinghanliqini ilgiri sürdi.

amérika afriqa qisimliri qomandanliqi, ötken hepte amérika eskerlirining nigér bilen mali chégrasigha yéqin bir rayonda qebile bashliqliri bilen uchriship qaytishida hujumgha uchrighanliqini, hujumda amérikining 3, nigérning 4 eskirining öltürülgenlikini uqturghan, arqidin hujum esnasida yoqap ketken bir amérika eskirining jesitining tépilghanliqini bildürgenidi.


خەتكۈچ: hujum , daésh , esker , nigér , amérika

مۇناسىۋەتلىك خەۋەرلەر