америка нигерда өлтүрүлгән әскәрлири тоғрисида байанат елан қилди

америка қошма иштатлири мудапиә министирлиқи – пентагон, нигерниң шәрқий җәнубида чарлаш елип бериватқан америка вә негир әскәрлирини пистирмиға чүшүргәнләрниң даеш әзаси террорчилар икәнликини ениқлап чиққанлиқлирини билдүрди.

америка нигерда өлтүрүлгән әскәрлири тоғрисида байанат елан қилди

түркийә авази радийоси хәвири: пентагонниң африқа ишлири бөлүми байанатчиси миң беши майкел балданза, 6 – өктәбирдики америкиниң 4 әскири өлтүрүлгән һуҗумниң даеш тәрипидин елип берилғанлиқини билдүрүп, «һуҗумниң даеш тәрипидин қилинғанлиқини җәзмләштүримән, бирақ тәкшүрүш басқучида болғанлиқи үчүн һуҗумға алақидар тәпсилатларни ашкарилийалмаймән» деди.

америка таратқулириниң соаллириға җаваб бәргән исминиң ашкарилинишини халимайдиған бир мудапиә әмәлдари, һуҗумниң 15 террорчи тәрипидин садир қилинғанлиқини илгири сүрди.

америка африқа қисимлири қоманданлиқи, өткән һәптә америка әскәрлириниң нигер билән мали чеграсиға йеқин бир районда қәбилә башлиқлири билән учришип қайтишида һуҗумға учриғанлиқини, һуҗумда америкиниң 3, нигерниң 4 әскириниң өлтүрүлгәнликини уқтурған, арқидин һуҗум әснасида йоқап кәткән бир америка әскириниң җәситиниң тепилғанлиқини билдүргәниди.



مۇناسىۋەتلىك خەۋەرلەر