firansiyede memurlar hökümetke qarshi namayish ötküzdi

firansiyede 5.4 milyon memur aridin 10 yil ötkendin kéyin hökümetning ammiwi heq – hoquqlargha cheklimige qoyghanliqini ilgiri sürüp namayish ötküzdi.

firansiyede memurlar hökümetke qarshi namayish ötküzdi

+ türkiye awazi radiyosi xewiri: paytext parizhda ötküzülgen namayishqa qatnashqanlar jumhuriyet meydanidin milliy meydangha qarap ilgirilidi hemde: «ammiwi heq – hoquqlargha zerbe bérilishige xatime bérilsun», «döletlik ishchi – xizmetchilerning shert – sharaitini qaytidin yaxshilayli», «makron ammiwi bölünüshni keskinleshtürmekte» dégendek shoarlarni towlap, hökümetke naraziliq bildürdi.

namayishtin kéyin özlirini «ashqunlar guruhi» dep atiwalghan we qara kiyim kiyiwalghan bir guruppa bilen saqchilar otturisida sürkilish yüz berdi.

saqchilargha shéshe we parlatquchlarni atqan namayishchilar yol boyidiki ikki bankining derizilirini chéqiwetti.

bezi toluq ottura mekteplerning oqughuchilirimu mekteplerning aldigha tosuqlarni ornitip, memurlarning namayishini qollidi. parizhning 11 – rayonidiki bir toluq ottura mektepning aldidiki bir exlet yighiwélish sanduqigha ot qoyup bérildi.

parizhdiki mamtés, lyon, lillé, tolosé, marsilya we strasburg qatarliq köpligen sheherlerde 9 memurlar uyushmisining chaqiriqigha asasen 70 namayish ötküzüldi.

bu namayishlargha, saqchi terepning bildürüshiche, 55 ming kishi, namayishlarni teshkilligüchilerning qarishiche, 400 ming kishi qatnashqan.

melumatlargha qarighanda, hökümetning  kelgüsi 5 yil ichide 120 ming memurni ishtin boshitish pilanigha naraziliq bildürgen memurlar, bolupmu xizmet shert – sharaitining nacharliqi we maashlirining töwenlenlikidin shikayet qilmaqta iken.

firansiyening herqaysi jaylirida dawamlishiwatqan ish tashlash we namayishlar kündilik hayatqa selbiy tesir körsitiwatqan bolup, bir qisim dölet orunliri we qatnash palech ehwalgha chüshüp qalghan. bolupmu métro we ayrodurum ishchi – xizmetchilirining ish tashlash herikitini qollishi sewebidin döletning herqaysi jayliridiki ayrodurumlardiki uchushlarning % 30 ti bikar qilinghan.

ilgiri saqchilarmu döletning herqaysi jaylirida dawamlishiwatqan jiddiy halet sewebidin xizmet sharaitining nacharliqini ilgiri sürüp, pat - pat namayish ötküzgenidi.

ishchi – xizmetchilermu aldinqi aylarda hökümetning normal qanun chiqirish basquchini ishletmestin qanunning ornigha dessitilidighan qararnamilerni chiqirish arqiliq emgek belgilimisige özgertish kirgüzüshige naraziliq bildürüp namayish ötküzgenidi.



مۇناسىۋەتلىك خەۋەرلەر