фирансийәдә мәмурлар һөкүмәткә қарши намайиш өткүзди

фирансийәдә 5.4 милйон мәмур аридин 10 йил өткәндин кейин һөкүмәтниң аммиви һәқ – һоқуқларға чәклимигә қойғанлиқини илгири сүрүп намайиш өткүзди.

фирансийәдә мәмурлар һөкүмәткә қарши намайиш өткүзди

+ түркийә авази радийоси хәвири: пайтәхт парижда өткүзүлгән намайишқа қатнашқанлар җумһурийәт мәйданидин миллий мәйданға қарап илгирилиди һәмдә: «аммиви һәқ – һоқуқларға зәрбә берилишигә хатимә берилсун», «дөләтлик ишчи – хизмәтчиләрниң шәрт – шараитини қайтидин йахшилайли», «макрон аммиви бөлүнүшни кәскинләштүрмәктә» дегәндәк шоарларни товлап, һөкүмәткә наразилиқ билдүрди.

намайиштин кейин өзлирини «ашқунлар гуруһи» дәп ативалған вә қара кийим кийивалған бир гуруппа билән сақчилар оттурисида сүркилиш йүз бәрди.

сақчиларға шешә вә парлатқучларни атқан намайишчилар йол бойидики икки банкиниң дәризилирини чеқивәтти.

бәзи толуқ оттура мәктәпләрниң оқуғучилириму мәктәпләрниң алдиға тосуқларни орнитип, мәмурларниң намайишини қоллиди. парижниң 11 – районидики бир толуқ оттура мәктәпниң алдидики бир әхләт йиғивелиш сандуқиға от қойуп берилди.

париждики мамтес, лйон, лилле, толосе, марсилйа вә страсбург қатарлиқ көплигән шәһәрләрдә 9 мәмурлар уйушмисиниң чақириқиға асасән 70 намайиш өткүзүлди.

бу намайишларға, сақчи тәрәпниң билдүрүшичә, 55 миң киши, намайишларни тәшкиллигүчиләрниң қаришичә, 400 миң киши қатнашқан.

мәлуматларға қариғанда, һөкүмәтниң  кәлгүси 5 йил ичидә 120 миң мәмурни иштин бошитиш пиланиға наразилиқ билдүргән мәмурлар, болупму хизмәт шәрт – шараитиниң начарлиқи вә маашлириниң төвәнләнликидин шикайәт қилмақта икән.

фирансийәниң һәрқайси җайлирида давамлишиватқан иш ташлаш вә намайишлар күндилик һайатқа сәлбий тәсир көрситиватқан болуп, бир қисим дөләт орунлири вә қатнаш паләч әһвалға чүшүп қалған. болупму метро вә айродурум ишчи – хизмәтчилириниң иш ташлаш һәрикитини қоллиши сәвәбидин дөләтниң һәрқайси җайлиридики айродурумлардики учушларниң % 30 ти бикар қилинған.

илгири сақчиларму дөләтниң һәрқайси җайлирида давамлишиватқан җиддий һаләт сәвәбидин хизмәт шараитиниң начарлиқини илгири сүрүп, пат - пат намайиш өткүзгәниди.

ишчи – хизмәтчиләрму алдинқи айларда һөкүмәтниң нормал қанун чиқириш басқучини ишләтмәстин қанунниң орниға дәсситилидиған қарарнамиләрни чиқириш арқилиқ әмгәк бәлгилимисигә өзгәртиш киргүзүшигә наразилиқ билдүрүп намайиш өткүзгәниди.



مۇناسىۋەتلىك خەۋەرلەر