türkiye: istanbul konsulxanisi xadimi amérikining resmiy xadimi emes

tashqi ishlar ministirliqi qolgha élinghan istanbul konsulxanisi xadimining amérikining resmiy xadimi emeslikini bildürdi.

türkiye: istanbul konsulxanisi xadimi amérikining resmiy xadimi emes

türkiye awazi radiyosi xewiri: tashqi ishlar ministirliqi bayanatchisi hüseyin müftüoghlu fethullahchi térrorluq teshkilatigha eza gumandar saqchi idarilirining mudirliri we qachqun sabiq teptish zekeriyye öz bilen alaqisining barliqi bilen eyiblinip qolgha élinghan amérikining istanbul konsulxanisi xadimi m.t ning amérika konsulxanisining resmiy xadimi emeslikini éytti.

u bu heqte élan qilghan bayanatida, mundaq dédi: «amérikining enqere bash elchixanisining m.t isimlik puqramizning qolgha élinishi toghruluq bayanat élan qilghanliqini körüwatimiz. bayanatta, m.t ning amérikining istanbul bash konsulxanisining yerlik xadimi ikenliki ilgiri sürülmekte. halbuki, 2017 – yili 25 – séntebir küni térrorizm bilen chétilip qolgha élinghan shexs ne amérika konsulxanisining resmiy xadimi emes, ne diplomatik yaki konsulxana xadimlirigha oxshash qoghdinish salahitige ige emes.»

amérikining enqere bash elchixanisi amérikining istanbul konsulxanisidiki bir yerlik xadimi 4 – öktebir küni tutulghandin kéyin bayanat élan qilghan, uning «qanungha saslinidighan bir sot mehkimisi» de sotlinishining ornigha axbarat wasitilirida sotlinishqa urunulushining amérika hökümitini biaram qilghanliqini bildürgenidi.



مۇناسىۋەتلىك خەۋەرلەر