түркийә: истанбул консулханиси хадими америкиниң рәсмий хадими әмәс

ташқи ишлар министирлиқи қолға елинған истанбул консулханиси хадиминиң америкиниң рәсмий хадими әмәсликини билдүрди.

түркийә: истанбул консулханиси хадими америкиниң рәсмий хадими әмәс

түркийә авази радийоси хәвири: ташқи ишлар министирлиқи байанатчиси һүсәйин мүфтүоғлу фәтһуллаһчи террорлуқ тәшкилатиға әза гумандар сақчи идарилириниң мудирлири вә қачқун сабиқ тәптиш зәкәриййә өз билән алақисиниң барлиқи билән әйиблинип қолға елинған америкиниң истанбул консулханиси хадими м.т ниң америка консулханисиниң рәсмий хадими әмәсликини ейтти.

у бу һәқтә елан қилған байанатида, мундақ деди: «америкиниң әнқәрә баш әлчиханисиниң м.т исимлик пуқрамизниң қолға елиниши тоғрулуқ байанат елан қилғанлиқини көрүватимиз. байанатта, м.т ниң америкиниң истанбул баш консулханисиниң йәрлик хадими икәнлики илгири сүрүлмәктә. һалбуки, 2017 – йили 25 – сентәбир күни терроризм билән четилип қолға елинған шәхс нә америка консулханисиниң рәсмий хадими әмәс, нә дипломатик йаки консулхана хадимлириға охшаш қоғдиниш салаһитигә игә әмәс.»

америкиниң әнқәрә баш әлчиханиси америкиниң истанбул консулханисидики бир йәрлик хадими 4 – өктәбир күни тутулғандин кейин байанат елан қилған, униң «қанунға саслинидиған бир сот мәһкимиси» дә сотлинишиниң орниға ахбарат васитилирида сотлинишқа урунулушиниң америка һөкүмитини биарам қилғанлиқини билдүргәниди.



مۇناسىۋەتلىك خەۋەرلەر