gérmaniyening bawyéra ölkisimu musteqilliqni telep qilmaqta

bawyéra partiyesi bawyéraning bayliqilirigha gérmaniyening ortaq boluwélishigha qarshi chéqip kéliwatqan bolup, emdilikte katolonyadiki musteqilliq saylimining chongqur tesirige uchrighanliqi bildürülmekte.

gérmaniyening bawyéra ölkisimu musteqilliqni telep qilmaqta

 

türkiye awazi radiyosi xewiri: bawyéra partiyesi «bawyéraning azadliqi we bawyéraning gérmaniye fédératsiyesidin ayrilishi bizning qanunluq hoquqimizdur» dep bayanat élan qildi.

gérmaniyening eng bay ölkiliridin birsi bolghan bawyérada, 1946 – yilidin buyan paaliyet élip bériwatqan bawyéra partiyesi gérmaniyedin ayrilip, musteqil bolush üchün heriketke ötti.

 bawyéra partiyesining resmiy fésbuk hsabidin élan qilinghan bayanatta, «bawyéraning azadliqi we bawyéraning gérmaniye fédératsiyesidin ayrilishi bizning qanunluq hoquqimizdur» dégen sözlerge alahide orun ajritildi.

bawyéra partiyesi bawyéraning bayliqilirigha gérmaniyening ortaq boluwélishigha qarshi chéqip kéliwatqan bolup, emdilikte katolonyadiki musteqilliq saylimining chongqur tesirige uchrighanliqi bildürülmekte.

«Junge Welt» gézitining muxbiri klodiya wangérning xewer qilishiche, bölgünchi bawyéra partiyesi yéqin kelgüside yawropa edliye mehkimisige erz qilip, bawyéra tilining némis tilidin ayrim bir til ikenliki heqqide telep sunidiken.

aldinqi yili gérmaniye dölet asasiy qanuni mehkimisi bawyéra partiyesi sunghan bir iltimasqa jawab bérip, bawyéraning gérmaniyedin ayrilip musteqil bolush üchün omumiy xelq bélet tashlash paaliyiti ötküzüsh telipini ret qilghan idi.

yene bir tereptin gérmaniyediki omumiy saylamdin kéyin 24 – öktebirde tünji yighinni échish aldida turghan gérmaniye fédératsiye parlaméntida, kimning qeyerde olturush mesilisi kirizisqa aylandi.

hör démokratchilar partiyesining parlamént ezaliri bu qétim, natséstlar terebdarliqi bilen tunulghan gérmaniye yéngi tallash partiyesining parlamént ezalirining yénida öltürushqa étiraz bildürmekte. 


خەتكۈچ: bawyéra , musteqilliq , gérmaniye

مۇناسىۋەتلىك خەۋەرلەر