irma qara borinining amérikigha salghan ziyini heqqide yéngi melumatlar yétip keldi

amérikida 6 milyon 900 ming öyni tok bilen teminlesh mumkin bolmidi. filoridada 110 ming kishi panahjaylargha séghindi.

irma qara borinining amérikigha salghan ziyini heqqide yéngi melumatlar yétip keldi

türkiye awazi radiyosi xewiri: irma qara borini sewebidin amérikining filorida, jenubiy karolina we jorjiya ishtatlirida ölgenlerning sani 18 ge yoqulup ketkenlerning sani 37 ge yetti.

amérikining filorida, jorjiya, jenubiy karolina, shimaliy karolina we albama ishtatlirida 6 milyon 900 ming öyni tok bilen teminlesh mumkin bolmidi. filoridada 110 ming kishi panahjaylargha séghindi.

bu ariliqta fédératsiye jiddiy haletlerge taqabil turush idarisi mudiri birok long ishtatta filorida kéys taqim aralliridiki öylerning tötte bir qismining örülüp chüshkenlikini, %65 ning ziyangha uchrighanliqini bildürdi.

texminen 90 ming kishining filorida kéys we miyami sahilige qaytip kelgenliki, ishtattiki qara boranning éghir tesirige uchrighan rayonlarda izdep qutquzush xizmetliridin bashqa yene, ichidighan su bilen teminlesh xizmetliriningmu dawamlishiwatqanliqi qeyt qilindi.

amérika pirézidénti donald trampning qara boranning eng éghir ziyinigha uchrighan filorida ishtatini ziyaret qilidighanliqi bildürüldi.

alaqadar mesullar trampning apetke uchrighan rayondiki ziyanlarni neq meydanda közdin kechürüsh üchün peyshenbe küni ayali mélana bilen filoridagha kélidighanliqi élan qilindi.

mutexessisler, harwi, arqidin kelgen irma qara borinining amérika iqtisadigha 290 milyard dollar etrapida ziyan yetküzüsh éhtimalining barliqini qeyt qilishmaqta.


خەتكۈچ: maddiy ziyan , irma , amérika

مۇناسىۋەتلىك خەۋەرلەر