ирма қара борининиң америкиға салған зийини һәққидә йеңи мәлуматлар йетип кәлди

америкида 6 милйон 900 миң өйни ток билән тәминләш мумкин болмиди. филоридада 110 миң киши панаһҗайларға сеғинди.

ирма қара борининиң америкиға салған зийини һәққидә йеңи мәлуматлар йетип кәлди

түркийә авази радийоси хәвири: ирма қара борини сәвәбидин америкиниң филорида, җәнубий каролина вә җорҗийа иштатлирида өлгәнләрниң сани 18 гә йоқулуп кәткәнләрниң сани 37 гә йәтти.

америкиниң филорида, җорҗийа, җәнубий каролина, шималий каролина вә албама иштатлирида 6 милйон 900 миң өйни ток билән тәминләш мумкин болмиди. филоридада 110 миң киши панаһҗайларға сеғинди.

бу арилиқта федератсийә җиддий һаләтләргә тақабил туруш идариси мудири бирок лоң иштатта филорида кейс тақим араллиридики өйләрниң төттә бир қисминиң өрүлүп чүшкәнликини, %65 ниң зийанға учриғанлиқини билдүрди.

тәхминән 90 миң кишиниң филорида кейс вә мийами саһилигә қайтип кәлгәнлики, иштаттики қара боранниң еғир тәсиригә учриған районларда издәп қутқузуш хизмәтлиридин башқа йәнә, ичидиған су билән тәминләш хизмәтлириниңму давамлишиватқанлиқи қәйт қилинди.

америка пирезиденти доналд трампниң қара боранниң әң еғир зийиниға учриған филорида иштатини зийарәт қилидиғанлиқи билдүрүлди.

алақадар мәсуллар трампниң апәткә учриған райондики зийанларни нәқ мәйданда көздин кәчүрүш үчүн пәйшәнбә күни айали мелана билән филоридаға келидиғанлиқи елан қилинди.

мутәхәссисләр, һарви, арқидин кәлгән ирма қара борининиң америка иқтисадиға 290 милйард доллар әтрапида зийан йәткүзүш еһтималиниң барлиқини қәйт қилишмақта.



مۇناسىۋەتلىك خەۋەرلەر