ereb ittipaqi tashqi ishlar ministirliri yighini qahirede échildi

ereb ittipaqining bash katipi ehmet ebu gayt 2017-yil 5-iyundin tartip bashlanghan pars qoltuqi kirizisini hel qilish üchün waqitqa éhtiyaj barliqini we bu qiyinchiliqning axirlishidighanliqini bildürdi.

ereb ittipaqi tashqi ishlar ministirliri yighini qahirede échildi

türkiye awazi radiyosi xewiri: ereb ittipaqi bash katipi ebu gayt misir paytexti qahirede échiliwatqan ereb ittipaqi tashqi ishlar ministirlirining 148-nöwetlik yighini daireside, jibuti tashqi ishlar ministiri bilen ereb ittipaqining 148-nöwetchi risi mehmut eli yusuf bilen körüshti. ebu gayt muxbirlarni kütüwélish yighinida, ereb ittipaqi tashqi ishlar ministirliri yighinida shimaliy iraq rayonluq kürt (kord) hökümitining 25-iyul ötküzmekchi bolghan référandum, pelestin mesilisi bilen isirailiyening afriqida nopuz tiklesh urunushliri toghrisida muhim qararlarning chiqirilghanliqini bildürdi.

u iraqning zémin pütünlükini qollaydighanliqlirini, isirailiyening afriqidiki nopuz tiklesh taktikisigha qarshi küresh qilish istratégiyesini tereqqiy qildurush meqsitide eza döletler otturisida özara meslihet qilish komitétining qurulidighanliqini éytti.

u eza döletlerge qaritip, isirailiyening pelestin xelqining qanuniy heq-hoquqlirini ayaq-asti qilish we pelestin zéminini ishghal qilghanliqining üstini yépish üchün paydiliniwatqan munberlerge qatnashmasliqni chaqiriq qildi.

u qatar bilen ereb döletliri arisida partlighan kirizis üstidimu toxtaldi. u kirizisning hel bolushi üchün waqitqa éhtiyaj barliqini we axirlishidighanliqini bildürdi.

jibuti tashqi ishlar ministiri yighinda, liwiyening zéimn pütünlükige hörmet qilinishini, néme bolushidin qetiynezer sirtqi küchlerning arilishishining ret qilinishini we süriyediki kirizisni peqet siyasiy yol bilen hel qilish mumkinchiliki qatarliq bezi qararlarning élinghanliqini bildürdi.

seudi erebistan, misir, behreyn we ereb birleshme xelipiliki 5-iyun térrorluqni qollighanliqini ilgiri sürüp, qatar bilen bolghan barliq diplomatik munasiwetlirini üzgenliklirini élan qilghan idi. arqidin bezi döletlermu qatar bilen diplomatik munasiwetlirini üzgen idi.



مۇناسىۋەتلىك خەۋەرلەر